На русском языке:
Дембелям 5-й ССО рассылают повестки на военные сборы
Рэдакцыя «МатолькаДапамагі» мае інфармацыю, што ў апошнія дні беларусам пачалі прыходзіць позвы на вайсковыя зборы. Ёсць звесткі, што позвы прыйшлі некаторым жыхарам Мінска і Гродна, а датай яўкі ўказана 18-га ці 21 кастрычніка.
Прычыны атрымання павестак таксама розныя, сярод вядомых нам:
— «Ваенныя зборы з 21 кастрычніка па 4 лістапада». З сабой неабходна мець асабістыя рэчы і туалетныя прыналежнасці.
— «Пытанні воінскага ўліку, ваенныя зборы». Пры сабе мець ваенны білет.
— «Мерапрыемствы воінскіх збораў».
▪️ Каму прыходзяць гэтыя позвы?
Адзінай катэгорыяй, якую можна дакладна вылучыць на дадзены момант – гэта мужчыны, якія прайшлі службу ў 5-й ССА ў Мар’інай Горцы. Менавіта іх прызываюць на зборы з 21.10 па 04.11.
Акрамя таго, ёсць звесткі, што павесткі прыходзяць былым міліцыянерам, рабочым шэрагу гродзенскіх прадпрыемстваў, а таксама дэмбелям ПДВ.
Паводле словаў адной з крыніц, зборы дэмбеляў 5-й ССА праводзяцца, каб «правесці перападрыхтоўку». Таксама ёсць шэраг выпадкаў, калі за прызыўніком прыходзіць супрацоўнік ваенкамата адразу з міліцыянерам.
Акрамя таго, учора выданне «Радыё Свабода» паведаміла непацверджаную інфармацыю, што беларусаў прызыўнога ўзросту не выпускаюць за мяжу і просяць звярнуцца ў вайсковы камісарыят. Нам вядома пра некалькіх такіх выпадкаў, у прыватнасці, гаворка ідзе аб «разваротах» людзей пры ўездзе ў Літву і Польшчу. Але ні пра якую масавую забарону гаворка не ідзе.
Верагоднай прычынай можа зʼяўляцца забарона на выезд ад ваенкамата для канкрэтнага чалавека, які не зʼявіўся па позве. Гэтая мера прадугледжана Пастановай Мінабароны нумар 34 «Аб парадку і форме прыняцця рашэнняў па пытаннях часовага абмежавання права на выезд за мяжу і прадстаўленні звестак». Па словах крыніц, забарона ўводзіцца калі чалавек не зʼявіўся па позве на працягу тыдня пасля даты яўкі.
