На русском языке:
Игорь Лосик совершил попытку суицида в колонии
Пра гэта паведамілі праваабаронцы «Вясны» са спасылкай на некалькі крыніц. Вядома, што палітвязень Ігар Лосік у ШІЗА наваполацкай калоніі працяглы час трымаў галадоўку, пасля чаго парэзаў сабе рукі і шыю. Ігара выратавалі і адправілі ў медсанчастку.
Нагадаем, 14 снежня 2021 года Ігара Лосіка «асудзілі» на 15 гадоў пазбаўлення волі, іншых фігурантаў «справы Ціханоўскага»: Мікалая Статкевіча, Сяргея Ціханоўскага, Уладзіміра Цыгановіча, Арцёма Сакава і Дзмітрыя Папова прыгаварылі да 14-18 гадоў пазбаўлення волі.
Апошні раз адвакат бачыў Ігара Лосіка ў калоніі ў сярэдзіне лютага, піша «Радыё Свабода». Цяпер ягоны адвакат і бацька збіраюцца тэрмінова адправіцца ў калонію.
Як стала вядома «Свабодзе», 10 сакавіка адваката не пусцілі на сустрэчу з падабаронным. Прыводзілася прычына таго, што палітвязень загадзя не напісаў заяву аб сустрэчы з адвакатам, а ў гэты момант ён нібыта знаходзіўся на працы і не мог ад яе адлучыцца.
Адвакату паведамілі, што Ігар працуе, з ім усё ў парадку, яго перадаюць для напісання лістоў бацькам: «маўляў, Ігар хутка напіша». Бацькі Ігара Лосіка ўжо месяц не атрымліваюць лістоў ад сына.
Раней Ігар даведаўся, што яго бацькі не змогуць прывезці да яго дачку Паўлінку, і вельмі засмуціўся з гэтай нагоды.
