На русском языке:
В Гродно были слышны выстрелы: пропаганда заявила о «ликвидации» иностранца
Пра гэта пішуць каналы @mkbelarus і @Grodno_grab. . Паведамляецца, што стрэлы былі чутныя на вул. Курчатава і Урублеўскага каля гадзіны таму.
Таксама паведамляюць, што па адрасе Курчатава, 5 зараз адбываюцца затрыманні.
«Заўважаны каля 10 супрацоўнікаў міліцыі і бус. Затрыманню папярэднічалі «выбухі ці стрэлы», – гаворыцца ў паведамленні.
Калі вам нешта пра гэта вядома, пішыце нам праз ананімную форму для сувязі на сайце. Або перадавайце інфармацыю праз вашых сяброў/знаёмых за мяжой у @motolko_bot.
Калі вы нешта ведаеце пра гэта – напішыце нам, калі ласка
16:21. Прапаганда: «Падчас аказання ўзброенага супраціву спецпадраздзяленню КДБ ліквідаваны замежны грамадзянін»
Пазней прапаганда заявіла, што ў Гродне «падчас аказання ўзброенага супраціву спецпадраздзяленню КДБ ліквідаваны замежны грамадзянін».
«19 сакавіка 2023 года ў Гродне на вул. Курчатава ліквідаваны замежны грамадзянін Л. Указаная асоба з выкарыстаннем аўтаматычнай зброі і шляхам падрыву баявых гранат аказала ўзброенае супраціўленне байцам спецпадраздзялення КДБ група «А», – напісала БелТА.
Раней шэраг каналаў паведамляў, што сёння ў Гродне былі чуваць стрэлы і выбухі.
18:26. Да рэзідэнцыі Караніка прыехала міліцыя
Да службовага дома Уладзіміра Караніка на вуліцы Свярдлова ў Гродне прыехала міліцыя, службы размінавання з сабакамі, піша «Наша Ніва». З гэтага можна меркаваць аб «мініраванні» дома чыноўніка. Гэта раён Гродна, дзе размяшчаецца жытло для высокапастаўленых чыноўнікаў.
