На русском языке:
Контрабанда сигарет в фуре с яблоками, в вагоне с железной рудой и в Audi A6 99-го года: за две недели в Балтии задержали беларусских сигарет на €2,6 млн
І гэта толькі некаторыя з апошніх выпадкаў:
▪️ 24 студзеня мытнікі ў Каўнасе перахапілі рэкордную партыю беларускіх цыгарэт, якія перавозіліся пад выглядам яблыкаў.
Па дакументах, фура везла 14 500 тон яблыкаў з Беларусі ў Калінінградскую вобл. РФ. Аднак апроч яблыкаў перавозілі і 665 000 пачкаў беларускіх цыгарэт марак NZ Gold Super Slims і Minsk 5 Super Slims. Іх кошт разам з падаткамі ацэньваецца ў 2, 58 млн еўра.
▪️ 2 і 3 лютага латвійскія мытнікі знайшлі адразу некалькі партый беларускіх цыгарэт у грузавых цягніках, якія прыбылі з Беларусі.
Так, 2 лютага на чыгуначнай станцыі Індра ў вагонах з жалезнай рудой знайшлі 2500 пачкаў цыгарэт NZ Gold з беларускімі акцызнымі маркамі. У той жа дзень пры праверцы яшчэ аднаго цягніка мытнікі з сабакамі знайшлі яшчэ 1000 пачкаў цыгарэт, а днём пазней яшчэ 2500 пачкаў і 899 пачкаў – у рыжскім порце пры разгрузцы цягніка.
Агульны кошт канфіскаваных цыгарэт ацэньваецца ў 27 тысяч еўра.
▪️ Акрамя таго, 2 лютага паведамлялася пра затрыманне ў Літве 38-гадовага грамадзяніна Беларусі, які перавозіў больш за 700 пачкаў кантрабандных цыгарэт на Audi A6 1999 года выпуску.
Падчас праверкі аўто былі знойдзеныя тайнікі, у якіх ляжалі пачкі цыгарэтаў Super Slims з беларускімі акцызамі. Кошт грузу, уключаючы падаткі, складае 2750 еўра.
