На русском языке:
Лукашенко уже улетел к Путину в РФ
Сёння раніцай, сустракаючыся з сакратарамі Савета бяспекі краін АДКБ, Лукашэнка сказаў, што найбліжэйшым часам збіраецца сустрэцца з Пуціным. Пры гэтым калі менавіта ён плануе з ім сустракацца, Лукашэнка не сказаў.
Пазней прэс-сакратар Крамля Дзмітрый Пяскоў заявіў, што чарговая сустрэча Пуціна з Лукашэнкам адбудзецца ўжо заўтра, 9 чэрвеня. Пяскоў растлумачыў, што яна пройдзе ў Расіі, але не ўдакладніў месца.
Грунтуючыся на дадзенай інфармацыі, лагічна было б падумаць, што Лукашэнка паляціць у РФ заўтра. Аднак, паводле нашых звестак, урадавы Boeing 737-800 з рэгістрацыйным нумарам EW-001PA, на борце якога і знаходзіцца Лукашэнка, паляцеў з Нацыянальнага аэрапорта «Мінск» ужо сёння ў 12:52.
Лукашэнка паляцеў у РФ і, мяркуючы па лакацыі палёту, накіроўваецца ён не ў Маскву, а ў Сочы. Па стане на 14.03 яго борт пралятаў у раёне Пензы. Дарэчы, у Сочы зараз праходзяць мерапрыемствы на ўзроўні кіраўнікоў урадаў у фармаце ЕАЭС і СНД, у якіх удзельнічае і прэмʼер Раман Галоўчанка.
І так, прэс-служба Лукашэнкі пакуль нічога не паведаміла аб тым, што ён ужо паляцеў з Беларусі.
