На русском языке:
МиГ-31К прилетал на 2 дня, авиаактивность ВКС РФ в Беларуси за октябрь выросла
За кастрычнік авіяцыйная актыўнасць ПКС РФ у параўнанні з вераснем павялічылася. Цягам месяца расійская авіяцыя прылятала на беларускія аэрадромы ў і аэрапорты:
- Аэрадром «Мачулішчы» — 1 Ту-154, 1 Ту-214 і 1 Ан-124;
- Аэрадром «Баранавічы» — 1 Ан-12;
- Нацыянальны аэрапорт «Мінск» — 1 Ан-148 (ФСБ РФ) і 2 Ту-154М;
- Аэрапорт «Гомель» — 1 Іл-76.
Авіяцыйная групоўка ПКС РФ, якая ўвесь час знаходзіцца ў Беларусі, на бягучы момант складаецца толькі з 4 знішчальнікаў Су-30СМ, якія базуюцца на аэрадроме «Баранавічы».
Асобна варта сказаць, што ў кастрычніку ў Беларусь прыляталі 2 знішчальнікі-перахопнікі МіГ-31К ПКС РФ. Першы прыбыў 9 кастрычніка ў «Мачулішчы», а 10 кастрычніка прыляцеў другі і ў той жа дзень абодва паляцелі з Беларусі.
Да гэтага самалётаў МіГ-31К не было ў Беларусі амаль паўтара года — з 6 красавіка 2023 г. МА РБ прылёт МіГаў ніяк не каментавала.
Цалкам з аглядам ваеннай актыўнасці за кастрычнік можна азнаёміцца тут.
