In English:
Mila shop terminated delivery of goods to regional centers
На русском языке:
«Мила» прекратила доставку товаров в областные центры
На сайце інтэрнэт-крамы сеткі «Міла» паведамляецца, што з 27 кастрычніка дастаўка тавараў ажыццяўляецца толькі па Мінску і бліжэйшых населеных пунктах. На гэта звярнула ўвагу Zerkalo.io.
Раней крама дастаўляла тавары і ва ўсе абласныя цэнтры: Брэст, Гродна, Гомель, Віцебск і Магілёў, што пацвярджаецца архіўнай версіяй старонкі «Дастаўка і аплата» ад 18 мая 2022 г. Акрамя гэтага, можна заўважыць, што на адну гадзіну скараціўся і час даступны для дастаўкі, раней было да 22:00, а зараз да 21:00.
Прычыны такіх зменаў кампанія не паведамляе. Характэрна, што на мінулым тыдні сайт магазіна, як і многіх іншых, не працаваў і было сказана, што прычыны ў пераездзе склада.
Нагадаем, што на мінулым тыдні таксама стала вядома, што «Еўраопт» спыніў «Е-дастаўку» ў рэгіёны.
