На русском языке:
Минобороны РБ купило 56 дронов DJI по завышенной цене
Паводле інфармацыі Дзяржаўнай інфармацыйна-аналітычнай сістэмы (ДІАС), у красавіку-чэрвені 2022 года МА РБ праводзіла закупку 56 дронаў «DJI MAVIC 2 Enterprise Advanced» агульнай сумай у 1 848 000 рублёў ($683 179).
У тэндары перамагло ТАА «Хобі-Парк», якое паставіла Мінабароны дроны па кошце ў 32 965,20 BYN за штуку. Але на афіцыйным сайце гэтай жа кампаніі дроны прадаюцца па кошце на 2080,20 BYN танней, чым закупіла МА РБ – за 30 885 BYN.
Атрымліваецца, што на закупцы 56 дронаў Міністэрства абароны пераплаціла ТАА «Хобі-Парк» 116 491,20 BYN.
Таму на сайце petitionsby.win з’явілася петыцыя з патрабаваннем правесці праверку закупкі Міністэрствам Абароны РБ 56 квадракоптараў з цеплавізійнай і візуальнай камерамі. Акрамя таго, па словах аўтараў петыцыі, ёсць асцярогі, што робата могуць перапрадаць (перадаць) ВС РФ, так як у РФ яны каштуюць яшчэ на 30% даражэй з-за сыходу кампаніі DJI з расійскага рынку.
У сувязі з гэтым петыцыя будзе накіравана ў Міністэрства антыманапольнага рэгулявання і гандлю, а таксама ў Мінабароны РБ. Патрабаванні наступныя:
1. Правесці праверку па факце закупкі МА РБ 56 дронаў па завышаным кошце.
2. Растлумачыць, ці будуць перадавацца (перапрадавацца) закупленыя дроны Узброеным сілам РФ?
