На русском языке:
Больше половины беларусов не считают, что страна участвует в войне: в Беларуси намечается тенденция на ещё большее снижение поддержки войны и Кремля
«Беларуская Аналітычная Майстэрня» правяла даследаванне аб тым, што думаюць беларусы аб вайне і ўкраінцы аб беларусах. Кіраўнік БАМ, доктар сацыялагічных навук Андрэй Вардамацкі расказаў, што даследаванне праводзілася ў траўні 2022 года ў фармаце тэлефоннага апытання, у ім прынялі ўдзел 1000 рэспандэнтаў. А Kyky.org сабраў галоўныя тэзы, прыводзім іх максімальна коратка.
Пытанне: У якім саюзе было б лепш жыць народу Беларусі – у ЕС або ў саюзе з Расіяй?
За саюз з Расіяй – 46%
За Еўрасаюз – 29,6%
У сакавіку сацыёлагі задавалі беларусам тое самае пытанне і тады вынікі былі такімі ж. Па словах Вардамацкага, з пачатку вайны абедзве пазіцыі застылі, крышталізаваліся, і застаюцца на тым жа ўзроўні. Але! Цікавей глядзець у дынаміцы і выходзіць, што ў 2018 годзе за РФ было каля 60 працэнтаў, а за ЕС 22-24 працэнты. Гэта значыць прарасейская арыентацыя – зніжаецца, а праеўрапейская – расце. А вось вайна не паўплывала на базавыя геапалітычныя арыентацыі беларусаў.
Як вы ставіцеся да магчымага ўводу беларускіх войскаў на тэрыторыю Украіны?
Супраць – 85,1% рэспандэнтаў
За – 8,2%
І вось тут яшчэ адна цікавая дынаміка: да траўня, у параўнанні з сакавіком 2022 г, колькасць беларусаў, якія выступаюць за ўдзел ВС РБ у вайне, стала яшчэ меншай. У сакавіку было прыкладна 11% «за».
Як вы ставіцеся да таго, што дзейная ўлада дазволіла размясьціць расейскія войскі ў Беларусі?
Супраць – 47%
За – 41%
Зноў жа зніжэнне падтрымкі па гэтым пытанні, у сакавіку «За» былі 45%.
Ці ўхваляеце вы дзеянні Расіі ў бягучым узброеным канфлікце з Украінай?
Не ўхваляюць – 51,4% (1%)
Ўхваляюць – 39, 7% (-3%)
Які з бакоў канфлікту вы больш спачуваеце?
Украіне – 50, 3%
РФ – 21%
Абодзвюм – 19%.
У якім ваенна-палітычным саюзе павінна быць Беларусь?
Ні ў якім – 52% (0,2%)
АДКБ – 27,4% (-3%)
НАТА – 4,6% (-0,1%)
Як вы лічыце, ці з’яўляецца Беларусь саўдзельнікам ваеннага канфлікту ва Украіне?
Не – 61, 5% (-1, 4%)
Так – 32,5% (0,5%)
Паводле слоў Вардамацкага, найбольш часта сустракаемая матывацыя ў тых, хто прытрымліваецца пункту гледжання, што Беларусь не ўдзельнічае ў вайне, наступная: «мы не агрэсары, таму што мы супраць гэтай вайны».
Акрамя таго, БАМ правяла і апытанне аб стаўленні да беларусаў сярод украінцаў. Таксама прыводзім дадзеныя коратка.
68% украінцаў адзначылі, што пасля 24 лютага іх стаўленне да беларусаў «пагоршылася», 24% – не змянілася і 3,3% сказалі, што «палепшылася». 83, 5% апытаных украінцаў лічаць нашу краіну саўдзельнікам ваеннага канфлікту. Процілеглага пункта гледжання прытрымліваюцца 9,9%.
Было таксама і пытанне пра бягучае стаўленне да беларусаў. Варыянт адказу «дрэнна» выбралі 47,5% удзельнікаў даследавання, а 43,2% адказалі, што ставяцца да беларусаў добра. На аналагічнае пытанне, як вы ставіцеся да расейцаў, адказ «дрэнна» далі 82% украінцаў.
