На русском языке:
Минобороны пытается скрыть некомплект в подразделениях ВС РБ?
8 сакавіка мы апублікавалі матэрыял «Некамплект даходзіць да 60% ад штатнай колькасці. Якіх кантрактнікаў шукаюць УС РБ?». У ім мы прааналізавалі вакансіі, якія прапануюцца для праходжання службы па кантракце ў УС РБ. Праведзены аналіз паказаў, што ў асобных механізаваных брыгадах ёсць праблемы з камплектаваннем асабовым складам.
Праз 3 месяцы мы вырашылі праверыць, як змянілася сітуацыя з вакансіямі для праходжання вайсковай службы па кантракце. На сайце МА РБ інфармацыя была па-ранейшаму пазначана па стане на 25 студзеня 2023 года. Аднак ёсць нюанс.
Калі раней на сайце МА РБ указвалася колькасць вакансій (нават калі яна была адна), то цяпер гэтую інфармацыю з сайта прыбралі ў прынцыпе. Напрыклад, калі раней у 5-й брыгадзе спецыяльнага прызначэння (в/ч 89417) было 10 вакантных пасад разведчыкаў, то зараз гэтай інфармацыі на сайце МА РБ няма.
З чым звязаная такая перамена, дакладна невядома. Не выключана, што МА РБ вырашыла яе схаваць пасля публікацыі намі матэрыялу аб некамплекце ў падраздзяленнях УС РБ. Магчыма, чыноўнікам не спадабалася, што грамадскасць даведалася аб некамплекце да 60% ад штатнай колькасці ў асобных падраздзяленнях УС РБ.
Рашэнне было знойдзена эфектыўнае і па-чыноўнічы дакладнае: прыбраць з вачэй далоў непатрэбную інфармацыю.
Як гаворыцца, паказуха ва ўсім. Застаецца спадзявацца, што ўтойванне інфармацыі аб колькасці вакансій дапаможа чыноўнікам МА РБ укамплектаваць на 100% усе падраздзяленні ВС РБ.
