На русском языке:
Мининформ РБ ожидает распространения ЛГБТК+ литературы россиянами
Выданне «Салідарнасць» апублікавала фатаграфію ліста за подпісам намесніка міністра інфармацыі РБ Ігара Бузоўскага, у якім апошні папярэджвае аб спробах расейцаў выдаць ЛГБТК+ літаратуру ў краінах СНД.
Ліст Мінінфарма / Салідарнасць
У лісце Бузоўскі інфармуе беларускія арганізацыі пра расійскі закон супраць «прапаганды ЛГБТ» і паведамляе пра чарговую «пагрозу нацыянальным інтарэсам».
Паводле яго слоў, расійскія выдаўцы ЛГБТК-літаратуры збіраюцца выдаваць і распаўсюджваць кнігі праз краіны СНД, у тым ліку праз кніжны рынак Беларусі. У сувязі з гэтым ён даводзіць да беларускіх арганізацыяў:
«…неабходнасць безумоўнага захавання заканадаўства РБ з улікам выклікаў і пагроз нацыянальным інтарэсам у дачыненні да захавання і папулярызацыі традыцыйных каштоўнасцяў сямʼі і грамадства», – сказана ў дакуменце.
У выпадку ж «праявы ініцыятываў па вышэйпададзенай сітуацыі» – дакладваць у Мінінфарм.
