In English:
Mercenaries of PMC Wagner are leaving Belarus by buses? Looks like another disinformation campaign
На русском языке:
Наемники ЧВК «Вагнер» автобусами уезжают из Беларуси? Похоже на очередную кампанию по дезинформации
У апошні час у інфармацыйнай прасторы актыўна распаўсюджваецца інфармацыя пра масавы вывад наймітаў ПВК «Вагнер» з Беларусі ў Расію ў водпуск. Ніжэй у храналагічнай паслядоўнасці разгледзім развіццё сітуацыі.
▪️ 5 жніўня мы атрымалі скрышоты з чата кіроўцаў, дзе гаварылася, што невядомыя асобы нібыта шукаюць у Беларусі аўтобусы з кіроўцамі для адпраўкі пасажыраў з Асіповічаў у Краснадар, Растоў-на-Доне, Маскву і Санкт-Пецярбург. Усяго хацелі арандаваць не менш за 11 аўтобусаў для перавозкі, як паведамлялася, наймітаў ПВК «Вагнер». Адзначым, што гэтая інфармацыя не атрымала якіх-небудзь пацверджанняў і ў СМІ не публікаваліся.
▪️ 6 жніўня канал ВЧК-ОГПУ паведаміў, што наймітаў ПВК «Вагнер» нібыта адпраўляюць у «адпачынак» з Беларусі ў Расею. 8 жніўня гэты ж канал паведаміў, што вываз наймітаў з Беларусі праходзіць «партыямі па 500-600 чалавек аўтобусамі да Варонежа, Растова і Краснадара» і нібыта першы этап вываду наймітаў ужо падыходзіў да канца, а «другі пачнецца пасля 13 жніўня».
▪️ Па стане на раніцай 11 жніўня «Беларускі Гаюн» не фіксаваў аўтобусных калон з наймітамі ПВК «Вагнер». Улічваючы інфармацыю пра вывад наймітаў групамі па 500-600 чалавек, у адной такой калоне павінна было быць па 10-12 аўтобусаў – перамяшчэнні такіх буйных калон не змаглі б застацца незаўважанымі.
Галоўнай прычынай, чаму найміты пачалі нібыта масава пакідаць Беларусь, указвалася нежаданне Лукашэнкі ўдзельнічаць у фінансаванні ПВК (ён разлічваў, што фінансаванне будзе паступаць з Расіі). Пры гэтым, у Беларусі застанецца невялікая група інструктараў для навучання сілавікоў Лукашэнку. Ніякіх пацверджанняў гэтай інфармацыі ў публікацыях канала ВЧК-ОГПУ не прыводзілася. Сам жа Лукашэнка раней заяўляў, што найміты будуць знаходзіцца ў РБ «за свой кошт».
▪️ Такім чынам, інфармацыя пра масавые выбыццё наймітаў ПВК «Вагнер» з Беларусі ў цяперашні час не мае ніякіх пацверджанняў.
