На русском языке:
Начались слушания отчетов представителей Объединенного переходного кабинета в Координационном совете
За імі можна сачыць анлайн прама цяпер. У гэты час са справаздачай выступае прадстаўніца па нацыянальным адраджэнні Кабінета Аліна Коўшык. А 16:30 пачнецца справаздача прадстаўніка па абароне і нацыянальнай бяспецы Кабінета Валерыя Сахашчыка.
Кабінет прыводзіць факты пра дзейнасць прадстаўніцтва па нацыянальным адраджэнні Кабінета, які ўзначальвае Аліна Коўшык:
▪️ Фіналізуецца падрыхтоўка стратэгіі нацыянальнага адраджэння Беларусі і дарожная мапа па яе рэалізацыі;
▪️ Наладжана супрацоўніцтва з парламентамі і профільнымі міністэрствамі розных краін, здзейснена 20+ замежных працоўных візітаў;
▪️ Захавана прызнанне беларускіх дыпломаў у Польшчы, нягледзячы на тое, што рэжым лукашэнкі ў аднабаковым парадку разарваў адпаведнае пагадненне;
▪️ Ідзе праца па стварэнні сеткі беларускіх суботніх школак у Польшчы і па захаванні беларускіх ліцэяў на Падляшшы;
▪️ Падрыманае стварэнне сеткі рэалізацыі беларускіх кніг за мяжой, пашырэння даступнасці беларускай кнігі ў электронным і папяровым выглядзе;
▪️ Ініцыявана абвяшчэнне 2023 году Годам беларускай мовы, а таксама пераведзена справаводства і камунікацыя Кабінета на беларускую мову.
