На русском языке:
Подготовка военных к протестам: артиллеристы осваивают «спецсредства»
13 студзеня супрацоўнікі органаў унутраных спраў правялі заняткі з асабовым складам 407-й групы артылерыі па “парадку прымянення зброі і спецыяльных сродкаў”. Пра гэта паведаміў канал 19-й механізаванай брыгады.
407-я група артылерыі ўваходзіць у склад 19-й механізаванай брыгады. Дыслакуецца ў н.п. Бароўка (Лепельскі раён).
На занятках вайскоўцаў пазнаёмілі з «сучаснымі ўзорамі ўзбраення, спецсродкамі і правіламі іх прымянення». На апублікаваных фатаграфіях можна ўбачыць гранатамёты (РГ-6, ГМ-94), стрэльбы 12-га калібра («Дзік-12 „Молат“» і Remington 870), а таксама траўматычныя пісталеты (Grand Power-T12 і «Аса»).
Акрамя таго, ваеннаслужачым паказалі светлашумавыя гранаты РГК-60 і патроны да траўматычнай зброі. Пералічаныя ўзбраенні і боепрыпасы выкарыстоўваліся сілавікамі для падаўлення пратэстаў у Беларусі ў 2020 г. І нягледзячы на прымяненне імі боепрыпасаў фармальна несмяротнага дзеяння, дзясяткі чалавек тады атрымалі цяжкія траўмы і смяротныя раненні.
Няма сумневаў, што навучанне артылерыстаў выкарыстанню «спецсродкаў», якія прымяняюцца для падаўлення пратэстаў, звязана з правядзеннем 26 студзеня ў Беларусі так званых «прэзідэнцкіх выбараў». Для поўнага кантролю над «народным волевыяўленнем» рэжым Лукашэнкі мабілізуе ўсе сілавыя рэзервы. Раней «Беларускі Гаюн» паведамляў, што на 21 студзеня запланаваны пачатак чарговых збораў з «добраахвотніцкімі» падраздзяленнямі МУС.
Ці з’яўляецца навучанне ваенных прымяненню «спецсродкаў«, якія выкарыстоўваюцца для падаўлення пратэстаў, масавай практыкай, — невядома. Магчыма, падобныя заняткі праходзяць і ў іншых падраздзяленнях УС РБ.
