In English:
Polish train manufacturer refused to repair a train of the Belarusian Railways, which crashed into a trailer with manure
На русском языке:
Польский производитель поездов отказался ремонтировать поезд БелЖД, который врезался в прицеп с навозом
Польскі канцэрн Pesa Bydgoszcz, які спецыялізуецца на вытворчасці цягнікоў, адмовіўся рамантаваць дызель-цягнік Беларускай чыгункі ДП3-001, які атрымаў сур’ёзныя пашкоджанні пасля сутыкнення з прычэпам трактара. На гэта звярнуў увагу канал «Эканоміка Беларусі».
Справа ў тым, што Беларуская чыгунка звярталася да Pesa Bydgoszcz з замовай на рамонт дызель-цягніка ДП3-001, але польскае прадпрыемства адмовілася яго рамантаваць з-за суагрэсіі рэжыму Лукашэнкі супраць Украіны і ўведзеныя супраць рэжыму санкцыі ЕС.
Размова ідзе пра дызель-цягнік ДП3-001, які быў зроблены Pesa Bydgoszcz для БЧ у 2013 годзе. Нагадаем, што 22 сакавіка 2022 года на чыгуначным пераездзе недалёка ад п.п. Зазерка, менавіта гэты цягнік урэзаўся ў трактар, які цягнуў прычэп з гноем. У выніку быў часова парушаны рух па абодвух шляхах, абарваная кантактная сетка, а ў самога цягніка было разбіта лабавое шкло, шкла ў дзвярах і ён «запэцкаўся».
Фатаграфіі таго здарэння можна паглядзець ніжэй.
