На русском языке:
Представитель режима Лукашенко в ООН предложил исключить требование о выводе войск РФ с территории Украины
Прадстаўнік рэжыму Лукашэнкі пры ААН Валянцін Рыбакоў прапанаваў унесці шэраг паправак у праект рэзалюцыі, якая была ўнесена ў Генасамблею ААН да гадавіны нападу РФ на Украіну.
«Ён сказаў, што пункт 5 прэамбулы апісвае дзеянні Расейскай Федэрацыі як «поўнамаштабнае ўварванне ва Украіну», што не адпавядае рэчаіснасці. Паводле яго словаў, калі б Расійская Федэрацыя не абмежавалася правядзеннем спецыяльнай ваеннай аперацыі і правяла «паўнавартаснае ўварванне», выкарыстоўваючы ўвесь свой ваенны патэнцыял, то не было б «ніводнай краіны, здольнай існаваць праз пару гадзін або хвілін пасля гэтага», – гаворыцца ў паведамленні прэс-службы ААН аб паседжанні Генасамблеі.
А вось, што канкрэтна рэжым Лукашэнкі прапануе змяніць у дакуменце:
– Выключыць словы «праз год пасля пачатку поўнамаштабнага ўварвання ва Украіну».
– Фармулёўку «…агрэсіі РФ супраць Украіны, у тым ліку працягваюцца напады на абʼекты крытычна важнай інфраструктуры па ўсёй тэрыторыі Украіны» прапанаваў спрасціць да фразы «…ваенных дзеянняў ва Украіне».
– Выключыць патрабаванне, каб «Расійская Федэрацыя неадкладна, цалкам і безумоўна вывела ўсе свае ўзброеныя сілы з тэрыторыі Украіны ў яе міжнародна прызнаных межах».
– Дапоўніць асуджэннем заяў, зробленых «некаторымі лідарамі Нармандскай кантактнай групы ў дачыненні да сапраўдных намераў, якімі яны кіраваліся пры распрацоўцы Комплексу мер па выкананні Мінскіх пагадненняў, – намераў, якія не адпавядаюць мэтам мірнага ўрэгулявання канфлікту ў асобных раёнах Данецкай і Луганскай абласцей Украіны».
– Прапанаваў «з турботай» адзначыць «пастаўкі зброі, якія працягваюцца трэцімі бакамі, у зону канфлікту, што падрывае перспектывы дасягнення ўстойлівага свету», і дадаць заклік да «пачатку мірных перамоваў».
– Дадаць заклік «улічваць карэнныя прычыны канфлікту ва Украіне…», а таксама «ўтрымлівацца ад адпраўкі зброі ў зону канфлікту».
