На русском языке:
Представители ОПК в Брюсселе обсудили защиту независимости Беларуси, международное давление на режим, визовые и миграционные проблемы беларусов
У Бруселі падчас афіцыйнага візіту прадстаўнікі Аб’яднанага Пераходнага Кабінета Валер Кавалеўскі і Уладзімір Астапенка сустрэліся з еўрапейскімі партнёрамі. Цяпер АПК апублікаваў справаздачу аб гэтым.
Галоўная тэма гэтых сустрэчаў – новыя падыходы ў палітыцы ЕС у дачыненні як да рэжыму Лукашэнкі, так і да Беларусі ў цэлым.
Чыноўнікі Еўракамісіі, Еўрапейскай рады і Еўрапейскай службы знешніх сувязяў
Валер Кавалеўскі і Уладзімір Астапенка з дарадцам прэзідэнта Еўрапейскай Рады Сайманам Мардзю / Аб'яднаны Пераходны Кабінет
На гэтых сустрэчах падымалі больш стратэгічныя пытанні – напрыклад, абмеркавалі сумесныя намаганні па ўзмацненні міжнароднага ціску на рэжым Лукашэнкі, абароне незалежнасці Беларусі і вырашэнні праблем беларусаў міграцыйнага характару.
На сустрэчах прысутнічалі:
– кіруючы дырэктар Еўрапейскай службы знешніх сувязяў Міхаэл Зіберт,
– старшыня Камітэта па палітыцы і бяспецы Еўрасаюза Дэльфін Пронк,
– дарадцы прэзідэнта Еўрапейскай Рады Шарля Мішэля,
– дарадцы прэзідэнта Еўрапейскай Камісіі Урсулы фон дэр Ляйен,
– дарадцы чальца Еўракамісіі Ілве Йохансан.
Дырэктар галоўнага дэпартамента Еўракамісіі па суседстве і перамовах па пашырэнні ЕС Лоўрэнс Мерэдыт
Лоўрэнс Мерэдыт / OECD/Andrew Wheeler
З ім размаўлялі пра магчымасць павелічэння падтрымкі беларускіх дэмакратычных сілаў і грамадзянскай супольнасці.
Таксама абмяркавалі тое, як рэалізуюцца ўжо распрацаваныя праграмы і праекты.
Эксперты Галоўнага дэпартамента Еўракамісіі па ўнутраных справах
Еўракамісія / DW
На гэтых сустрэчах Кавалеўскі і Астапенка падымалі пытанні:
– візаў для грамадзян Беларусі,
– дапамогі вымушаным беларускім мігрантам у краінах ЕС,
– магчымасці легалізацыі для тых беларусаў, якім рэжым пагражае пазбаўленнем грамадзянства. Гаворка ішла ў тым ліку пра новы пашпарт ад Аб’яднанага Пераходнага Кабінета Беларусі і яго прызнанне краінамі ЕС.
