На русском языке:
Россия хочет оставить войска в Беларуси навсегда?
Украінскае войска размясціла істотныя вайсковыя кантынгенты ўздоўж мяжы з Беларуссю і перыядычна спрабуе прамацаць абараназдольнасць «Саюзнай дзяржавы». Пра гэта заявіў у інтэрвʼю ТАСС дырэктар другога дэпартамента краін СНД МЗС РФ Аляксей Палішчук.
«Тая інфармацыя, якую маем мы і якая неаднаразова гучала ў заявах афіцыйных асоб, сведчыць, што ўкраінскае войска сапраўды размясціла істотныя кантынгенты ўздоўж беларуска-ўкраінскай мяжы, перыядычна спрабуе прамацаць тымі ці іншымі спосабамі абараназдольнасць Саюзнай дзяржавы», – сказаў Палішчук.
Адказам на гэта стала разгортванне ў кастрычніку 2022 года на тэрыторыі РБ падраздзяленняў так званай рэгіянальнай групоўкі войскаў.
«Іх задача – служыць фактарам стрымлівання ад уварвання на тэрыторыю Саюзнай дзяржавы і мінімізаваць рызыкі пранікнення дыверсійна-разведвальных груп. Зыходзім з таго, што наяўных у дадзеным раёне расійскіх і беларускіх сродкаў дастаткова, каб даць адпор агрэсіі з тэрыторыі Украіны ці сумежных краін НАТА. Спадзяемся, што кіеўскаму рэжыму і іх заходнім куратарам хопіць разумнага сэнсу не рабіць ваенныя авантуры, наступствы якіх для іх могуць аказацца вельмі сурʼёзнымі», – сказаў дыпламат.
24 лютага 2022 года, у тым ліку з тэрыторыі РБ пачалося поўнамаштабнае ўварванне Расіі ва Украіну. Пасля дэакупацыі Кіеўскай вобласці частка ўкраінскіх сіл увесь час знаходзіцца ў абароне ўздоўж беларуска-ўкраінскай мяжы для недапушчэння паўторнага ўварвання з тэрыторыі РБ, а не для здзяйснення акту агрэсіі супраць «Саюзнай дзяржавы».
Неіснуючая пагроза для «Саюзнай дзяржавы», якая нібыта зыходзіць ад НАТА і Украіны зʼяўляецца не больш чым падставай для размяшчэння на пастаяннай аснове расійскага воінскага кантынгенту ў Беларусі. Паколькі ніякай пагрозы насамрэч не існуе, то і абгрунтоўваць знаходжанні расійскіх войскаў у РБ можна бясконца.
Іншымі словамі, расійскія вайскоўцы будуць працягваць знаходзіцца ў Беларусі на сталай аснове, ствараючы такім чынам умовы для рэальнай акупацыі краіны.
