На русском языке:
Режим в Беларуси блокирует возможность оздоровления в Италии детей с чернобыльских территорий
Пра гэта распавёў прэзідэнт дабрачыннай асацыяцыі Puer Сэрджыа Дэ Чыка ў італьянскай газеце La Gazzetta del Mezzogiorno, заўважыла выданне «Флагшток».
Праграма аздараўлення беларускіх дзяцей з тэрыторый пацярпелых з-за аварыі на ЧАЭС была прыпыненая ў 2020 годзе з-за пандэміі COVID-19. Аднак пасля адмены каранавірусных абмежаванняў Італія прыкладае намаганні для яе аднаўлення.
Так, у красавіку 2023 г. быў напісаны запыт у МЗС Італіі з просьбай арганізаваць гуманітарны рэйс «Белавія», які б не трапляў пад санкцыі ЕС. Запыт быў ухвалены, але ніякіх сустрэчных дзеянняў з боку рэжыму ў РБ не было.
«Урад [Італіі] паспрабаваў правесці дыялог і прапанаваць неабходныя гарантыі таго, што дзеці прыбудуць гуманітарнымі рэйсамі і што з самалётамі нічога не адбудзецца. Ім [рэжыму ў РБ] патрэбна ўпэўненасць, што дзеці вернуцца пасля аздараўлення. І я ведаю, што гэтыя гарантыі былі дадзеныя нашым урадам», – сказаў Дэ Чыка.
Паведамляецца, што на дадзены момант удалося аднавіць аздараўленне ў Італіі толькі для 10% беларускіх дзяцей і толькі для тых, у каго ёсць біялагічныя бацькі. З-за адсутнасці сустрэчных крокаў 90% беларускіх дзяцей пакуль не могуць атрымаць аздараўленне ў Італіі, прыбыўшы ў краіну ў арганізаваным парадку, як гэта было раней.
«90% непаўналетніх, самых малазабяспечаных, Беларусь не адпускае. Гэта пакуты для іх і для іх італьянскіх семʼяў, таму што паміж імі ўстанаўліваюцца блізкія адносіны, беларускія дзеці становяцца як яшчэ адно дзіця».
