На русском языке:
С самого утра были сбои в работе карт всех беларусских банков, оплаты не проходили даже на АЗС и в McDonald’s
З самай раніцы 31 траўня ў Беларусі назіраюцца праблемы з работай банкаўскіх карт.
Беларусбанк. «Адхіляюцца аплаты. Немагчыма аплаціць анлайн, калі карту адвязаць ад аплікацыі, то потым немагчыма яе прывязаць назад. Лінія дапамогі банка стабільна занятая»;
Прыёрбанк. «Картка Прыёрбанка таксама не працуе, не праходзіць плацёж з электроннага кашалька, грошы проста вяртаюцца»
БСБ-Банк. «Некаторыя збоі з аплатамі картамі, у адлюстраванні карт у мабільным дадатку, а таксама з адпраўкай смс»
Ашчадбанк. «Не працуе дадатак ашчадбанка, не паказвае баланс, вельмі моцна тармозіць, тупіць, пастаянныя памылкі ў самой сістэме»
БелВЭБ. «Не прайшла аплата каршэрынга картамі бпс і белвэб»
Белаграпрамбанк. «Толькі што ўзнікла праблема пры аплаце картамі Белаграпрамбанк. Аплата за дастаўку прадуктаў»
Акрамя таго, McDonald’s на Бангалор не прымае аплату картамі, шэраг АЗС «Беларуснафта» — аплата толькі гатоўкай, у Гродне не працуюць тэрміналы ў кіёсках Белсаюздруку, у некаторых не атрымалася купіць білет на цягнік.
Дапоўнена: Прыёрбанк учора паведаміў: «31 траўня з 9:00 да 11:00 запланаваны тэхнічныя працы. У гэты перыяд можа быць недаступная рэгістрацыя новых кліентаў у інтэрнэт-банку і мабільным дадатку Prior Online праз Міжбанкаўскую сістэму ідэнтыфікацыі».
Збоі таксама і з картамі Альфа-Банка і ў іншых гарадах: у крамах, кафэ, на пошце і чыгуначных вакзалах.
Альфа-Банк. «Не працуюць карты Альфа-Банка ў Прасторы, а зняцце наяўных без праблем»;
«Не прайшла аплата ў краме картай Альфа-Банка»;
«У Еўраопце не працуюць карткі, карта Альфа-Банка таксама не прайшла»;
«Немагчыма перавесці грошы з карты на карту ні ў дадатку, ні ў браўзеры. Альфа-Банк».
Дапоўнена: Альфа-Банк (Беларусь) пацвярджае праблемы з аплатамі карткамі з-за збою ў Банкаўскім працэсінгавым цэнтры.
МТБанк. «Не змагла аплаціць у паліклініцы»;
БелВЭБ і Белінвестбанк. «У БелВэбе не атрымліваецца зняць гатоўку, у Белінвестбанку піша страта злучэння, гэтак жа праблема з Яндэкс таксі, не атрымліваецца замовіць праз картку Беларусбанка»;
«Белінвестбанк таксама не прапускае аплату праз тэрмінал — «адмоўлена»;
Банк Рашэнне. «Банк рашэнне цалкам не працуе, плацяжы і аплаціць нешта, зняць наяўныя нельга»
Апроч гэтага праблемы з аплатай картамі ў:
— некаторых крамах: Prostore, Алмі, Еўраопт, Суседзі, Белмаркет, Green
— Ва ўсіх McDonald’s
— На АЗС «Беларуснафта» (Мінск)
— У «Белдзяржстрах»
— медцэнтры «Сінева»,
— на чыгуначных вакзалах пры спробе купіць квіток (у прыватнасці ў Брэсцкай вобласці)
— у кіёсках «Белсаюздрук» (у прыватнасці ў Гомельскай вобласці)
Дапоўнена ў 11:23:
Маштабны збой закрануў у той ці іншай ступені ўсе беларускія банкі. Расплаціцца картай нельга практычна ва ўсіх крамах, транспарце і кафэ па ўсёй краіне.
Вось толькі малая частка, дзе сёння не працуюць карты: Prostore, Алмі, Еўраопт, Суседзі, Белмаркет, Green, Віталюр, McDonald’s, KFC, АЗС «Беларуснафта» і А-100, «Белдзяржстрах», «Сінева», на чыгуначных вакзалах, у метро, «Белсаюздрук», у аптэках, каршэрынгу і нават на пошце.
Калі вам вядомая рэальная прычына збою ў працы Банкаўскага працэсінгавага цэнтра — просьба паведаміць у @motolko_bot.
Дапоўнена ў 11:40:
Прэс-служба Альфа-Банк (Беларусь) паведаміла, што праца Банкаўскага працэсінгавага цэнтра адноўлена.
