In English:
The manufacturer of Snickers won’t add the Belarusian language to the packaging of its products
На русском языке:
Производитель Snickers не будет добавлять беларусскую мову на упаковку своих продуктов
Такі адказ яшчэ ў сярэдзіне ліпеня атрымаў беларускі актывіст і юрыст Ігар Случак ад кампаніі ТАА «МарСЭАБ», якая вырабляе і прадае ў Беларусі розныя батончыкі Snickers, Twix, Bounty, а таксама жуйкі Orbit і Wrigley. Сёння гэты ж адказ прадубліравала ў Facebook Аліна Нагорная.
У адказе, падпісаным гендырэктарам «МарСЭАБ» Міхаілам Сегенем, кампанія спасылаецца на СТБ, дзе сказана, што інфармацыя для спажыўцоў павінна прысутнічаць на рускай ці рускай і беларускай мовах. І гаворыцца, што кампанія нічога не парушае.
Звяртае на сябе ўвагу дэвіз кампаніі, які прысутнічае на афіцыйным бланку: «Будучыня пачынаецца з таго, як мы вядзем бізнес сёння». Далейшыя каментары тут залішнія.
Варта адзначыць, што яшчэ раней Случак атрымаў адказ на пытанне аб даданні беларускай мовы і на прадукцыю DANONE. Як вы ўжо здагадаліся, там таксама ўсё «адпавядае нормам».
