На русском языке:
Остановлено движение в пункте пропуска «Мядининкай»/«Каменный Лог» на беларусско-литовской границе
ДПК РБ заяўляе, што спыненне руху на пагранпераходзе «Мядзінінкай» – «Каменны Лог» адбылося з ініцыятывы Літвы ў 13:00.
Тое, што рух спынены, пацвярджаюць і людзі ў чатах на мяжы.
— «Каменка літоўцы закрылі мяжу»;
— «І на ўезд і на выезд зачынілі каменку. Раю абʼязджаць»
— «Каменны лог прапануе вяртанне аплат і разгарнуцца на іншы пераход, з прычыны таго, што Літоўскі бок цалкам спыніў пропуск аўтамабіляў. Пагаворваюць, што нешта здарылася на нейтральнай тэрыторыі».
Акрамя таго, у сацсетках распаўсюджваюцца скрыны, якія, як сцвярджаецца, былі зроблены з трансляцый камер у пункце пропуску «Мядзінінкай» у 13:11 і 13:16. Аднак у дадзены момант анлайн-камеры ў пункце пропуску Мядзінінкай на сайце памежкатроля Літвы не паказваюць трансляцыю.
Калі вам штосьці вядома – напішыце ў @motolko_bot.
На анлайн-камеры бачна, што мяжа РБ-ЛТ у пункце пропуску «Каменны Лог» перакрытая.
З боку РБ стаіць машына памежнікаў, а з боку Літвы, проста на дарозе, джып і відаць некалькі чалавек. Акрамя таго, можна разгледзець, што пасярод дарогі на мяжы зʼявілася агароджа, людзі ў чатах таксама пішуць, што плот выставілі на ўсю шырыню дарогі.
На больш ранніх здымках з анлайн-камер відаць, што з двух бакоў стаялі памежнікі, а паміж імі зʼявіўся плот.
