На русском языке:
Сотрудник «Крион»: «Кислорода производим только для 2 110 пациентов в сутки»
Рэдакцыя motolko.help атрымала інфармацыю пра становішча на прадпрыемстве па вытворчасці кіслароду «Крыён». Па словах супрацоўніка, нагрузка вырасла ў разы, а па кісларод пастаянная чарга.
Чарга па кісларод на прадпрыемстве «Крыён» / motolko.help
«З кіслародам усё не вельмі кепска, але і не добра. Там два блокі па падзелу паветра: адзін стары, другі новы. Новы блок выдае 7 тон кіслароду ў гадзіну, стары 1,7-1,9. У суткі атрымліваецца вырабіць прыкладна 211 тон. Аднаму пацыенту з кавідам неабходна 100 кілаграм кіслароду ў суткі. Такім чынам, за суткі вырабляем кіслароду толькі на 2 110 пацыентаў.
Цэх пагрузкі кіслароду перагружаны, пастаянная чарга з машын. Абодва блокі працуюць кругласутачна. Нагрузка вырасла моцна, а вось зарплату вядома паднялі, але рост несувымерны з кратным павелічэннем аб’ёму працы», – распавёў супрацоўнік« Крыён».
І гэта пры тым, што толькі па дадзеных Міністэрства аховы здароўя на 21 кастрычніка, на лячэнні ў Беларусі знаходзілася 23 148 чалавек. Дарэчы, нягледзячы на абвостраную сітуацыю з кіслародам, нам паведамляюць, што на станцыі БХМД працягваюць даваць кісларод «налева»:
«Там такая нелегальная запраўка кіслародных балонаў. Мантажнікі / будаўнікі выкарыстоўваюць кісларод для сваіх вытворчых патрэб, напрыклад для газавай зваркі або рэзкі. Кісларод там «прадаюць» па 7р за 5л, за апошнія тыдні крыху падаражэла».
Інфармацыю пра нелегальны продаж кіслароду мы пакуль не пацвердзілі. Аднак, хочацца сказаць і тое, што раней на нарадзе Лукашэнка заявіў, што нейкія «мярзотнікі» [верагодна гаворка пра аўтараў тэлеграм-каналаў – заўв. motolko.help] публікуюць інфармацыю з якой 99,8% – фэйкі і КДК усю гэтую інфармацыю правярае.
«Я ўжо на гэта звяртаў увагу: мярзотнікаў, інакш не назавеш, у нас хапае. У асноўным, вядома, гэта 99,8% фэйкі. Але ёсць інфармацыя, на якую трэба звяртаць увагу. Таму праходзіць гэты маніторынг. Больш за тое, з выездам на месцы. Я, вядома, не хачу пералічваць гэтыя фэйкі, але КДК за ноч і раніцу праверыў некаторыя рэчы. Ну проста дзіву даешся, калі ўсё гэта чытаеш. Ну гэта мярзотнікі. У іх святога нічога няма. Яны будуць пісаць, што дзясяткі, сотні гінуць у шпіталях, што не хапае кіслароду, не хапае нейкіх лекаў, лячэння і іншага», – сказаў ён.
Вельмі спадзяёмся, што КДК праверыць і інфармацыю пра нелегальны продаж кіслароду.
