На русском языке:
Монахини монастыря, который поддерживает российскую агрессию, опять приехали на заработки в Польшу
Беларусы Шчэціна паведамілі, што на калядным кірмашы ў гэтым польскім горадзе зноў былі заўважаны манашкі Свята-Елісавецінскага манастыра.
Ужо даўно вядома, што продаж сваіх вырабаў і перапродаж кітайскага шырспажыву пад выглядам хэнд-мэйду замежнікам — гэта адзін з галоўных артыкулаў даходаў Свята-Елісавецінскага манастыра. Раней іх неаднаразова заўважалі на калядных кірмашах у Нарвегіі, Вялікабрытаніі, Швецыі, Італіі, Бельгіі, і вось зараз зноў у Польшчы.
Беларусы правялі пікет каля іх палаткі ў Шчэціне і прынеслі з сабой плакаты, якія тлумачылі палякам — «Купляючы тут, ты падтрымліваеш расійскую агрэсію супраць Украіны і катаванні ў турмах Беларусі».
Нагадаем, што менавіта Свята-Елісавецінскі манастыр на сталай аснове падтрымлівае расійскую агрэсію супраць Украіны, збірае дапамогу для УС РФ і агітуе пісаць лісты з падтрымкай салдатам акупацыйных войскаў.
