TikTok’ам карыстаецца амаль палова краіны, а колькасць інтэрнэт-карыстальнікаў у Беларусі працягвае падаць

На русском языке: TikTok’ом пользуется почти полстраны, а число интернет-пользователей в Беларуси продолжает падать

Аналітыкі DataReportal сумесна з кампаніямі We Are Social і Meltwater падрыхтавалі свежую справаздачу пра апошнія тэндэнцыі выкарыстання інтэрнэту, мабільных дадаткаў, сацсетак і іншых электронных пляцовак у Беларусі.

Асноўныя дадзеныя

Са справаздачы выходзіць, што за год колькасць інтэрнет-карыстальнікаў у Беларусі скарачаецца другі год запар. За 2022 год колькасць інтэрнэт-карыстальнікаў у Беларусі знізілася на 26 000 чалавек або 0.3%, склаўшы 8270000 чалавек, што складае 86.9% насельніцтва.

Яшчэ мацней знізілася колькасць падлучаных да інтэрнэту мабільных прылад – на 109 000 або 0.9%. Гаворачы аб колькасці інтэрнэт-карыстальнікаў, аналітыкі падалі наглядную статыстыку: колькасць карыстальнікаў інтэрнэту бесперапынна расла да 2021 г., дасягнуўшы на піку – 8 млн. 350 тыс. чалавек. Са студзеня 2021 г. фіксуецца падзенне.

Колькасць інтэрнэт-карыстальнікаў у Беларусі за апошнія 10 гадоў. / DataReportal

А вось хуткасць інтэрнэта працягвае расці. Аналітыкі фіксуюць сярэднюю хуткасць мабільнага інтэрнэту ў 11.71 MBPS (13.2%), а стацыянарнага – 50.27 MBPS (3.9%). Лік карыстальнікаў інтэрнэту з кампʼютараў (50.01%) і са смартфонаў (49.13%) практычна зраўнялася, раней заўсёды быў на першым месцы дэсктоп. Самым папулярным браўзерам застаецца Google Chrome, які выкарыстоўваюць 59.81% беларускіх інтэрнэт-карыстальнікаў. У той жа час Safari выкарыстоўваюць 16.77% беларусаў – за год Safari сталі карыстацца ў два разы больш людзей.

Галоўны пашукавік беларусаў – Google (76.18%), другое месца – Yandex (21.89%).

Трафік з розных браўзераў / DataReportal

ТОП-10 запытаў у Google выглядае наступным чынам:

1. Надворʼе
2. Перакладчык
3. Навіны
4. Яндэкс
5. Куфар
6. Ютуб
7. ГХД (гатовыя хатнія заданні)
8. ВК
9. Курсы валют
10. Курс долара

Цікава звярнуць увагу і на аперацыйныя сістэмы смартфонаў. Так, 71.52% трафіку з Беларусі прыпадае на Android, але доля Android упала на 7.8% за год, а вось iOS – 28.31% (28.2%).

Аперацыйныя сістэмы смартфонаў беларусаў / DataReportal

Сацсеці

На студзень 2023 года ў Беларусі налічваецца 4.27 мільёна карыстальнікаў сацсетак. У параўнанні са звесткамі за люты 2022 года, колькасць знізілася на 80 000 чалавек. Пры гэтым жанчын – 56,2%, а мужчын – 43,8%.

Топ-5 сацсетак па трафіку:

YouTube – 24.37% (88.3% за год – самы моцны рост),
Pinterest – 19.62% (-23.2% за год),
Instagram – 18.1% (36.8% за год),
Facebook – 13.49% (2.8% за год),
VK – 8.02% (-47.1% за год – самае моцнае падзенне).

Трафік з розных сацсетак у Беларусі ў 2022 годзе. / DataReportal

Самыя папулярныя запыты ў YouTube у 2022 годзе:

• А4
• Песня
• Фільм
• Песні
• Мульцікі

У 20 самых папулярных запытаў у YouTube таксама патрапілі: Украіна, Прамы Эфір, Маша і Мядзведзь, Сваты.

Самай папулярнай сацсеткай у беларусаў стаў TikTok, які за год дадаў 1.2 мільёна карыстальнікаў з Беларусі і на дадзены момант налічвае 4.27 млн. беларусаў (амаль паўкраіны).

Патэнцыйны рэкламны ахоп TikTok у Беларусі / DataReportal

Далей ідзе Instagram, які летась быў на першым месцы. Яго аўдыторыя ў Беларусі на студзень 2023 г. — 3.4 млн. (-300 тыс. за год). Падае і аўдыторыя Facebook. А вось аўдыторыя Linkedin і Twitter няшмат, але расце.