На русском языке:
В 2023 году на сборы призовут около 9 тысяч запасников
Паводле слоў прадстаўніка галоўнага арганізацыйна-мабілізацыйнага ўпраўлення Генеральнага штаба ВС РБ А.Шальпука, усяго ў 2023 годзе на ваенныя зборы плануецца прызваць 9 тысяч ваеннаабавязаных, якія знаходзяцца ў запасе. Такая ж колькасць запаснікаў прайшла праз розныя зборы і ў 2022 годзе. Па словах Шальпука, агульная колькасць прыцягнутых на зборы (9 тысяч) застаецца нязменнай у апошнія гады.
Адзначым, што так званы міністр абароны РБ Хрэнін у кастрычніку заяўляў, што за апошнія 20 гадоў праз мабілізацыйныя зборы прайшлі 130 тысяч чалавек. Гэта 6500 чалавек у год.
Згодна з Палажэннем аб парадку праходжання ваенных і спецыяльных збораў (пастанова Саўміна ад 27.01.2004 № 78) па вырашаемых задачах ваенныя зборы падзяляюцца на:
навучальныя зборы:
— у складзе органаў ваеннага кіравання, воінскіх часцей, арганізацый ВС і ваенных камісарыятаў на штатных воінскіх пасадах, на якія ваеннаабавязаныя прызначаны для праходжання ваеннай службы ў ваенны час (навучальныя зборы прыпіснога складу );
— па падрыхтоўцы ваеннаабавязаных па ваенна-ўліковых спецыяльнасцях;
— па абслугоўванні ўзбраення, ваеннай тэхнікі і іншых матэрыяльных сродкаў недатыкальнага запасу з адначасовым іх вывучэннем (навучальныя зборы па абслугоўванні тэхнікі недатыкальнага запасу).
зборы па праверцы мабілізацыйнай гатоўнасці воінскіх часцей (праверачныя зборы).
Хутчэй за ўсё, Хрэнін меў на ўвазе другі від збораў па праверцы мабілізацыйнай гатоўнасці воінскіх часцей. У такім выпадку атрымліваецца, што на розныя віды навучальных збораў у сярэднім у апошнія гады прыцягвалася па 2500 чалавек.
