На русском языке:
В 2024-м был побит рекорд по призыву резервистов на военные сборы
У 2024 г. на ваенныя зборы было прызвана каля 15 тысяч чалавек. Аб гэтым 20 лістапада заявіў начальнік галоўнага арганізацыйна-мабілізацыйнага ўпраўлення Генштаба УС РБ Аляксандр Шальпук.
Па дадзеных маніторынгавай групы «Беларускі Гаюн», са студзеня па кастрычнік 2024 г. на розныя віды ваенных збораў ва УС РБ, унутраныя войскі і органы пагранічнай службы было прызвана ≈ 12 382 чалавек. Нашы падлікі ў цэлым суадносяцца з афіцыйнымі дадзенымі.
Больш за ўсё ваеннаабавязаных прызываліся на зборы ў сакавіку — ≈ 6877 чалавек. Гэта звязана з разгортваннем да штатаў ваеннага часу 19-й механізаванай і 120-й зенітнай ракетнай брыгад у ходзе праверкі баявой гатоўнасці.
У 2023 г. прадстаўнік Генштаба заяўляў, што колькасць «запаснікаў», якія прызываюцца на ваенныя зборы заставалася нязменнай у апошнія гады, і складала ў сярэднім 9 000 чалавек. Аднак у мінулым годзе гэты «ліміт» быў перавышаны, і на зборы было прызвана больш за 10 000 ваеннаабавязаных.
Павелічэнне колькасці вайсковых збораў назіраецца ў апошнія 2 гады. Гэтаму садзейнічалі і змены ў заканадаўства, што дазволіла часцей заклікаць рэзервістаў на зборы. А ў кастрычніку 2024 г. быў скарочаны тэрмін уручэння позваў (з 10 да 7 дзён да пачатку вайсковых збораў).
Істотных праблем з яўкай ваеннаабавязаных на зборы няма. Так, у 2024 г. публічна паведамлялася аб вынясенні ўсяго 3 прысудаў «судоў» па артыкуле 436 Крымінальнага кодэкса (ухіленне ад яўкі на ваенныя зборы).
