У Беларусь аднавілася перакідка эшалонаў УС РФ: прыбылі мінімум 3 эшалоны

На русском языке: В Беларусь возобновилась переброска эшелонов ВС РФ: прибыло минимум 3 эшелона

Як паведамляе «Супольнасць чыгуначнікаў Беларусі», за апошні тыдзень зафіксавана перакідка ў Беларусь двух эшалонаў УС РФ, якія рухаліся наўпрост з зоны вядзення баявых дзеянняў на тэрыторыі Украіны.

11 траўня са ст. Валнаваха (Данецкая вобл, Украіна) на ст. Заслонава (Віцебская вобл, Беларусь) быў адпраўлены эшалон УС РФ, у складзе якога было 45 вагонаў:

• Пасажырскія – 4 адз. (≈200 чалавек);
• Грузавыя – 2 адз. (з рыштункам);
• Платформы – 39 адз. (колавая і гусенічная тэхніка).

Эшалон прыбыў у Заслонава 18 мая ў раёне 3:00 ночы.

17 траўня са ст. Заслонава (Віцебская вобл, Беларусь) на ст. Гукава (Растоўская вобл, РФ) быў адпраўлены эшалон УС РФ з 40 вагонамі:

• Пасажырскія – 3 адз. (≈150 чалавек);
  Грузавыя – 2 адз. (з рыштункам);
  Платформы – 35 адз. (колавая і гусенічная тэхніка).

Эшалон павінен прыбыць у Гукава 22 траўня, адкуль будзе адпраўлены на акупаваныя тэрыторыі Украіны – Дэбальцава → Вуглегорск.

Акрамя гэтага «Супольнасць чыгуначнікаў Беларусі» таксама пацвярджае інфармацыю «Беларускага Гаюна» аб выбыцці 14 мая эшалона УС РФ са ст. Палонка (Брэсцкая вобл, Беларусь), у саставе было 45 вагонаў:

• Пасажырскія – 3 адз. (≈150 чалавек);
• Грузавыя – 2 адз. (з рыштункам);
• Платформы – 40 адз. (танкі і БМП).

Таксама «Супольнасць чыгуначнікаў Беларусі» пацвярджае і тое, што ў Беларусь за тыдзень прыбылі яшчэ два эшалоны УС РФ. Абодва прыбылі на ст. Палонка (Брэсцкая вобл, Беларусь) 15 і 16 траўня. Сумарна ў эшалонах знаходзілася 86 вагонаў:

• Пасажырскія – 8 адз. (≈400 чалавек);
• Грузавыя – 3 адз. (са рыштункам);
• Платформы – 75 адз. (БТР, бензавозы, спец. тэхніка).

Такім чынам, змена колькасці групоўкі УС РФ у РБ за апошнія дні:

Выбыла з РБ:

• Тэхніка – не менш за 75 адзінак уключаючы танкі і БМП.
• Асабісты склад – мін. 300 чалавек.
• Рыштунак/боепрыпасы – мін. 4 вагоны.

Прыбыла ў РБ:

• Тэхніка – не менш за 114 адзінак, уключаючы БТР і бензавозы.
• Асабісты склад – мін. 600 чалавек.
• Рыштунак/боепрыпасы – мін. 5 вагонаў.