На русском языке:
«Они сами понимают, что все их меры — х*рня»: После взрывов в РФ, БелЖД усиливают меры безопасности
Супольнасць чыгуначнікаў Беларусі паведамляе, што пасля выбухаў на чыгунцы 1 і 2 траўня ў Бранскай вобласці, РФ, Беларуская чыгунка прымае дадатковыя меры бяспекі.
Па-першае, праводзіцца дадатковае інфармаванне работнікаў БЧ пра праяўленне пільнасці і неабходнасці паведамляць аб прысутнасці паблізу шляхоў старонніх або падазроных асоб. Апісваюцца магчымыя прыметы, па якіх неабходна вызначаць «патэнцыйнага дыверсанта».
Акрамя таго, за выяўленне такіх асоб чыгуначнікам прапануецца ўзнагароджанне. Таксама паведамляецца, што для аховы чыгуначнай інфраструктуры задзейнічаюць сілы войскаў ад памежнікаў да ССА, а з учорашняга дня атрады з поўначы Беларусі накіроўваюцца ў Брэсцкую вобласць для аказання дапамогі па ахове інфраструктуры.
Схема размяшчэння падраздзяленняў ваенізаванай аховы БЧ і ахоўных мастоў / belzhd_live
Асаблівая ўвага надаецца кантролю за:
- чыгуначнымі шляхамі,
- прыладамі сігналізацыі і сувязі на перагонах,
- пуцеправодамі і бліжэйшымі абʼектамі.
Таксама асаблівая ўвага будзе ўдзелена забеспячэнню бяспекі чыгуначных мастоў і выключэнні магчымасці доступу старонніх асоб да іх.
Па дадзеных @belzhd_live, будзе праводзіцца і патруляванне тых участкаў чыгункі, дзе немагчыма ажыццяўляць кантроль з дапамогай камер. Праводзяцца агляды шляхоў з мэтай выяўлення знаходжання на іх старонніх прадметаў і ажыццяўляецца паўторны інструктаж работнікаў аб тым, што ім рабіць у выпадку іх выяўлення.
«Неабходнасць такіх мерапрыемстваў абумоўлена высокай верагоднасцю магчымых дыверсій на БЧ, улічваючы факт задзейнічання яе інфраструктуры для перавозкі расійскага ўзбраення, тэхнікі, боепрыпасаў і асабовага складу», – паведамілі @belzhd_live.
Рэдакцыя motolko.help даведалася ў Супольнасці чыгуначнікаў Беларусі, што пасля падрыву цягнікоў у РФ сярод беларускіх чыгуначнікаў толькі ўзмацніўся страх, прычым як выходзіць на рэйсы ў РФ, так і агулам. Чыгуначнікі паведамілі, што яшчэ да выбухаў вялікая колькасць супрацоўнікаў БЧ звольнілася, у іншых жа на дадзены момант пераважае страх страціць працу і апынуцца ў турме.
Да таго ж, да ўзмацнення аховы на шляхах самі супрацоўнікі чыгункі таксама ставяцца з асцярогай, бо яшчэ летась з-за гэтага пад раздачу патрапіў як мінімум адзін супрацоўнік Беларускай чыгункі:
«З лесапаласы на перагоне выскачылі супрацоўнікі сілавых ведамстваў (без апазнавальных знакаў і ў балаклавах) і «скруцілі« работніка з ужываннем сілы і спецсродкаў. Пакуль працаўнік ПЧ спрабаваў прадставіцца хто ён, яго абшуквалі ў цвёрдай форме, распытвалі, што ён робіць на перагоне і толькі потым запатрабавалі службовае пасведчанне, і патэлефанавалі кіраўніцтву ПЧ, каб удакладніць, гэта працаўнік БЧ або «дыверсант». Напрыканцы, супрацоўнікі не папрасілі прабачэння, а сказалі, даслоўна: «н*хуй тут лазіць», – паведамляў аб інцыдэнце @belzhd_live 4 лістапада 2022 г.
— А як адрэагавала само кіраўніцтва БЧ на выбухі ў РФ?
«Паніка, не ведаюць адкуль і калі ім прыляціць. Ды і ў прынцыпе, няма абсалютна ніякага разумення як гарантаваць бяспеку. Дзейнічаюць груба і самі разумеюць, што х-ня ўсе іх меры», – сказалі @belzhd_live.
