На русском языке:
В Беларусь начали прибывать новые эшелоны с техникой и личным составом ВС РФ
Суполка чыгуначнікаў Беларусі паведамляе, што ўчора, 7 сакавіка, на ЖД-станцыі Асіповічы-1 (г. Асіповічы, Магілёўская вобласць) і Палонка (Баранавіцкі раён, Брэсцкая вобласць) прыбылі два эшалоны з тэхнікай і кантынгентам ВС РФ.
Першы быў адпраўлены 06 сакавіка са станцыі Бекасава-Сартавальнае (Маскоўская вобласць, РФ), у ім знаходзілася 47 вагонаў, з іх:
- 5 пасажырскіх вагонаў (з асабовым складам ВС РФ: ≈250 чалавек);
- 3 крытых вагона (з рыштункам);
- 39 вагонаў-платформ (з пагружанай воінскай тэхнікай).
Гэты эшалон прыбыў у Асіповічы 7 сакавіка па дадзеных «Беларускага Гаюна», сярод тэхнікі было каля 18 адзінак 152-мм гаўбіц «Мста-Б».
Другі эшалон 6 сакавіка выехаў са станцыі Вязьма (Смаленская вобл, РФ), у саставе знаходзілася 49 вагонаў, з іх:
- 4 пасажырскія вагоны (з асабовым складам ВС РФ: ≈200 чалавек);
- 5 крытых вагонаў (з рыштункам);
- 40 вагонаў-платформ (з пагружанай колавай і гусенічнай воінскай тэхнікай).
Гэты эшалон прыбыў на станцыю Палонка 7 сакавіка. Паводле інфармацыі @belzhd_live, апроч Асіповічы і Палонкі, таксама станцыяй прызначэння эшалонаў з РФ зʼяўляецца і Віцебск.
Гаворка ідзе пра ратацыю воінскага кантынгенту УС РФ, які знаходзіўся на тэрыторыі Беларусі, навучаўся на беларускіх палігонах і з 25 лютага пачаў пакідаць Беларусь разам са сваёй тэхнікай. На замену ім у Беларусь прыбываюць новыя салдаты РФ, якія, як відаць, таксама будуць дыслакавацца на беларускіх палігонах.
Такім чынам, змены колькасці групоўкі УС РФ у РБ:
Прыбыла ў РБ:
- Тэхніка – не менш за 79 адзінак (удакладняецца);
- Асабісты склад – мін. 450 чалавек.
