У беларускага грамадства будзе свой голас у ААН: БХК атрымаў кансультатыўны статус пры ЭКАСАС ААН

БХК
2 хв.

In English: The Belarusian society will have the voice at the UN: BHC received consultative status with the UN ECOSOC
На русском языке: У беларусского общества будет свой голос в ООН: БХК получил консультативный статус при ЭКОСОС ООН

Сёння стала вядома, што праваабарончая арганізацыя Беларускі Хельсінкскі камітэт (БХК) атрымала кансультатыўны статус пры Эканамічным і Сацыяльным Савеце ААН (ЭКАСАС ААН) пасля 5 гадоў спроб і зацягвання рашэння Расіяй і Кітаем.

Гэта першы выпадак у гісторыі, калі беларуская недзяржаўная арганізацыя атрымоўвае такі статус. І галоўнае, што зараз у беларускага грамадства, а не толькі ў рэжыму, будзе свой голас у ААН.

Што яшчэ дае атрыманне гэтага статуса?

БХК зможа напрамую камуніцыраваць і супрацоўнічаць з ААН без пасрэднікаў у асобе акрэдытаваных партнёраў, прымаць удзел у мерапрыемствах і канферэнцыях, якія праводзяцца ў рамках ААН, рабіць вусныя і пісьмовыя заявы, мець доступ на тэрыторыю ААН.

«Рашэнне прынятае нягледзячы на ​​ліквідацыю Беларускага Хельсінкскага Камітэта ўладамі. Гэта прызнанне таго, што для грамадскай арганізацыі патрэбная не фармальная рэгістрацыя, а рэальная дзейнасць», – падкрэслілі ў БХК.

Цяпер у ААН будзе гучаць не толькі голас МЗС Лукашэнкі, але і беларускай грамадзянскай супольнасці.

Віншуем, Беларускі Хельсінкскі камітэт!

Папярэдні матэрыял
Ад агнястрэльнага ранення загінуў салдат тэрміновай службы 11-й механізаванай брыгады
Наступны матэрыял
На Гродзеншчыне разбурылі чарговае пахаванне жаўнераў Арміі Краёвай

Iншыя матэрыялы