In English:
European Parliament criticizes EU and Polish Government for lack of decisive steps against Lukashenka’s regime
На русском языке:
В Европарламенте раскритиковали ЕС и правительство Польши за отсутствие решительных шагов против режима Лукашенко
Дэпутат Еўрапарламента Роберт Бядронь, выступаючы на дэбатах, раскрытыкаваў урад Польшчы за ігнараванне рэкамендацый ЕС па дзеяннях на мяжы. Ён заклікаў спыніць антыдэмакратычную дзейнасць Лукашэнкі, «пакуль сітуацыя на мяжы не ператварылася ў могілкі». Акрамя таго, Бядронь раскрытыкаваў і ЕС за адсутнасць больш рашучых крокаў супраць дыктатуры ў Беларусі.
Polski rząd zlekceważył rezolucje Unii Europejskiej. I częściowo ponosi winę, za krwawe wydarzenia na granicy naszego państwa.
Osobiście apeluje o powstrzymanie Łukaszenki i jego antydemokratycznych działań zanim sytuacja na granicy przerodzi się w cmentarzysko. pic.twitter.com/ujOFxtXarz— Robert Biedroń (@RobertBiedron) November 10, 2021
«Лукашэнка і Пуцін сёння адкаркоўваюць шампанскае, гледзячы, як яны нас падзеляць. Яны шчаслівыя, што польскі ўрад патрапіў у расстаўленую імі пастку. Мы патрацілі месяцы, заклікаючы польскі ўрад адумацца і пачаць супрацоўніцтва з ЕС. Што зрабіў польскі ўрад? Ён палохаў нас бежанцамі, заяўляў, што яны прапагандуюць заафілію, што сярод іх ёсць педафілы, што ў іх ёсць паразіты. Мы чуем гэта апошнія некалькі месяцаў. З-за рознагалоссяў мы сталі ідыётамі Пуціна і Лукашэнкі […] Гэты дыктатар, які 26 гадоў ужывае тэрор супраць сваіх грамадзян, мучае людзей. Сёння ў Беларусі больш палітычных зняволеных, чым сябраў гэтай палаты, больш, чым сябраў ЕП. Людзі паміраюць, падвяргаюцца катаванням, і мы, як ЕП, прымаем чарговыя рэзалюцыі, а Вярхоўны камісар робіць выгляд, што не чуе нас, як у тых дэбатах. Дзе зараз ЕС? Чым мы можам супрацьстаяць Лукашэнку? Сёння з-за бяздзейнасці ЕС і дзеянняў польскага ўрада, не бачна, што мы нешта робім. Гэта ўжо не жоўтае святло, яно чырвонае», – сказаў Бядронь.
