На русском языке:
В Лельчицах введён режим «Контртеррористической операции»
Паводле звестак «Матолькі Дапамогі» туды прыбылі сама меней 3 верталёты з Мінска.
Акрамя таго, у раённай газеце было апублікавана паведамленне ад Упраўлення КДБ па Гомельскай вобласці, што ў раёне ўводзіцца рэжым «контртэрарыстычнай аперацыі», людзей просяць падпарадкоўвацца патрабаванням сілавікоў.
Адзначым, што за 10 км ад Лельчыцаў знаходзіцца мяжа з Украінай.
Пасля гэтай публікацыі журналісты Euroradio датэлефанаваліся ў Лельчыцкі райвыканкам, дзе ім паведамілі, што на тэрыторыі раёна праходзяць чарговыя вучэнні.
«У нас ужо не першы раз вучэнні праходзяць. Яны правяраюць гатоўнасць сваіх структурных падраздзяленняў».
Журналістцы «Зеркала» ў райвыканкаме таксама распавялі, што ў раёне праводзяцца вучэнні.
— МНС паведамленні адправілі, што трэба быць пільнымі і не палохацца сірэны. Пакуль усё ў звычайным рэжыме, – распавялі па тэлефоне. – У нас жа ўжо не першы раз такое – праводзяць вучэнні перыядычна. Часам загадзя ведаюць, часам стыхійна нас прыязджаюць, правяраюць, як мы гатовыя – гарадскія службы РАУС, РАНС. У нас пакуль усё ў звычайным рэжыме, усё працуюць. А яны там [МНС] правяраюць, ці атрымліваюць людзі абвесткі.
Калі вам ці вашым знаёмым штосьці пра гэта вядома, то перадавайце інфармацыю праз сяброў/сваякоў за мяжой у @Motolko_bot альбо выкарыстоўваючы форму сувязі на сайце.
