In English:
A man accused of committing several explosions, including the explosion of a car of the Ministry of Internal Affairs, was detained in Minsk
На русском языке:
В Минске задержан мужчина, обвиняемый в совершении нескольких взрывов, в том числе подрыве авто МВД
8 студзеня тэлеграм-канал «Моталька Дапамажы» паведаміў, што ноччу а палове на пятую раніцы жыхары бліжэйшых дамоў па вул. Арлоўскай чулі моцны выбух з боку Цэнтральнага РУУС. На той момант было вядома, што падазраваны ўцёк у напрамку прыватнага сектара па вул. Шчадрына, а будынак РУУС з самай раніцы ачэплены, мясцовых жыхароў апытвалі і шукалі камеры відэаназірання ў прыватным сектары.
На наступны дзень тэлеграм-канал «Паглядзі, брахня?» апублікаваў непацверджаную інфармацыю, што каля Цэнтральнага РУУС падарвалі аўтамабіль МУС. Рэдакцыі motolko.help стала вядома, што гэта была спроба выбуху серабрыстага Джылі, які належыць Дэпартаменту аховы МУС.
Месца выбуху каля Цэнтральнага РУУС г. Мінска / motolko.help
Да сённяшняга дня ў МУС ніяк не каментавалі гэтую інфармацыю. Аднак сёння ў прэс-службе МУС заявілі пра затрыманне мужчыны 45 гадоў, якога падазраюць у падрыве міліцэйскага аўтамабіля ў ноч з 7 на 8 студзеня, кіёска «Табакерка» ноччу з 12 на 13 студзеня і яшчэ некалькіх выбухах.
Паведамляецца, што мужчына пашкодзіў міліцэйскі аўтамабіль з выкарыстаннем самаробнай выбухной прылады. У яго канфіскавана камп’ютарная тэхніка з інструкцыямі па вырабе выбуховых прыстасаванняў, кампаненты і рэчывы для іх вырабу, а таксама гатовыя ўстройствы.
Пашкоджаная Табакерка на скрыжаванні вул. Шчадрына і Старавіленскага тракта / Тэлеграм-канал «Паглядзі, брахня?»
Па словах начальніка крымінальнай міліцыі Генадзя Казакевіча, на падазраванага выйшлі яшчэ 11 студзеня. Казакевіч заявіў, што ўстаноўлена дачыненне затрыманага да пашкоджання яшчэ аднаго кіёска ў кастрычніку 2020 года, а таксама да падрыву яшчэ двух выбуховых прыстасаванняў 1 студзеня ля Цэнтральнага РУУС.
