На русском языке:
В мае-июне сразу в трех регионах Беларуси пройдут учения с территориальной обороной
З 11 мая па 2 чэрвеня ў Гомелі, Мазырскім раёне і Ленінскім раёне Мінска пройдуць «вучэбныя зборы з ваеннаабавязанымі, прызначанымі для камплектавання органаў кіравання тэрытарыяльнай абароны і воінскіх часцей тэрытарыяльных войскаў». Пра гэта паведаміла МА РБ.
Заяўленая праграма збораў зʼяўляецца стандартнай для такога шэрагу мерапрыемстваў. Так, на зборах будуць адпрацаваны пытанні фарміравання тэрытарыяльных войскаў і падрыхтоўкі іх да выканання задач па прызначэнні. На завяршальным этапе збораў ваеннаабавязаныя прымуць удзел у камандна-штабных вучэннях. У ходзе вучэнняў падраздзяленням тэрытарыяльных войскаў трэба ахоўваць абʼекты жыццезабеспячэння, забяспечваць грамадскі парадак на вуліцах гарадоў сумесна з асабовым складам органаў унутраных спраў. Аб фармаванні атрадаў народнага апалчэння (што таксама стала неадʼемным элементам такіх вучэнняў) пакуль не паведамлялася.
Нагадаем, што аб правядзенні вучэнняў з тэрытарыяльнай абаронай у Гомелі і Мазырскім раёне мы паведамлялі раней. Таксама мы паведамлялі аб закупках Гомельскі гарвыканкам выдаткаваў на закуп маёмасці для правядзення вучэння 60% гадавога бюджэту на нацыянальную абарону.
Паведамлялася, што ў Гомелі для фарміравання штаба раёна тэрытарыяльнай абароны і стралковага батальёна тэрытарыяльных войскаў плануецца прызваць з запасу каля 100 чалавек. Аб колькасці рэзервістаў у Мазырскім раёне і Мінску пакуль не паведамлялася.
Нагадаем, што з пачатку года вучэнні з тэрытарыяльным войскамі прайшлі ў Мінскай (Барысаўскі раён) і Гродзенскай (Навагрудскі і Карэліцкі раёны) абласцях. Цяпер да іх дадаліся Гомельская вобласць (Мазырскі раён і горад Гомель) і горад Мінск (Ленінскі раён).
