In English:
Belmedtekhnika sells COVID-19 tests that are expiring?
На русском языке:
«Белмедтехника» решила продавать тесты на COVID-19, срок годности которых на исходе?
У распараджэнні рэдакцыі аказаўся дакумент ад 17 траўня аб наяўнасці ва УП «Белмедтэхніка» карэйскіх антыген-тэстаў на COVID-19. У дакуменце гендырэктар установы Дзмітрый Страздзін піша, што гэтыя тэсты – «Humasis COVID-19 / Ag Test» ва ўпакоўках па 25 штук – вытворчасці паўднёвакарэйскай кампаніі Humasis.
Калі перайсці на сайт кампаніі, можна даведацца, што тэрмін прыдатнасці даных тэстаў складае 18 месяцаў з даты вытворчасці. Гэта значыць, што антыген-тэсты, якія закупіла «Белмедтэхніка», былі зроблены яшчэ ў снежні 2020 года — і тэрмін іх прыдатнасці заканчваецца 13 чэрвеня 2022 года. Гэта значыць, ужо ў наступным месяцы. І ў «Белмедтэхніцы», мяркуючы па прачытаным намі ў дакуменце, пра гэта ведаюць.
Магчыма, менавіта з гэтым фактам і звязана чарговая забарона Міністэрства аховы здароўя на правядзенне ПЦР-тэставання ў прыватных лабараторыях — свае тэсты дзяваць няма куды.
