На русском языке:
В Вильнюсе появится граффити с Алесем Беляцким
У Вільні насупраць беларускай амбасады на вул. Міндоўга з’явіцца графіці (неафрэска) з Нобелеўскім лаўрэатам прэміі міру Алесем Бяляцкім. Вялікую неафрэску, прысвечаную А. Бяляцкаму і іншым беларускім палітвязням, увасобяць у жыццё мастакі з Вільні і Каўнаса. Партрэт А. Бяляцкага будзе глядзець на пасольства Беларусі з фасада прагімназіі Сімонаса Даўкантаса, размешчанай праз дарогу.
Алесь Бяляцкі – палітвязень, стваральнік праваабарончай арганізацыі «Вясна». У канцы 1980-х – пачатку 1990-х ён быў адным з лідараў нацыянальнага руху ў Беларусі, у 1991-1996 быў дэпутатам Мінскага гарадскога савета дэпутатаў. Пасля гэтага сканцэнтраваўся на праваабарончай дзейнасці.
У 2011-2014 ён быў за кратамі па сфабрыкаванай справе. У 2021 годзе зноў быў затрыманы і прызнаны палітычным вязнем.
У 2022 годзе Алесь Бяляцкі разам з расейскім цэнтрам «Мемарыял» і ўкраінскай арганізацыяй «Цэнтр грамадзянскіх свабодаў» атрымаў Нобелеўскую прэмію міру. На ўручэнне прыехала ягоная жонка Наталля Пінчук.
