На русском языке:
Впервые в истории независимой Беларуси появились области с населением меньше 1 млн человек
Гэта вынікае з аператыўных звестак Белстата. Усяго за 2022 год насельніцтва Беларусі зменшылася на 54 907 чалавек і склала 9 200 617 чалавек.
Таксама трэці год запар падае і насельніцтва Мінска, на 1 студзеня 2023 года ў сталіцы пражывалі 1 995 471 чалавек, што на 1 082 менш, чым год таму.
Паказальна, што ўпершыню за час незалежнасці ў РБ зʼявіліся вобласці з насельніцтвам менш за 1 млн чалавек – Гродзенская і Магілёўская вобл.
На 1 студзеня 2023 г. у абласцях Беларусі жывуць:
- Брэсцкая вобл. – 1 315 405 чал. (-8622).
- Віцебская вобл. – 1 091 948 чал. (-11 885).
- Гомельская вобл. – 1 347 469 чал. (-10 428).
- Гродзенская вобл. – 998 600 чал. (-8014).
- Мінская вобл. – 1 462 021 чал. (-3734).
- Магілёўская вобл. – 989 702 чал. (-11 143).
- Мінск – 1 995 471 чал. (-1082).
Што да насельніцтва абласных цэнтраў, то дадзеныя на 1 студзеня 2023 г. такія:
- Брэст – 342 461 чал. (1738).
- Віцебск – 359 148 чал. (-1271).
- Гомель – 501 802 чал. (-2182).
- Гродна – 358 717 чал. (1224).
- Магілёў – 353 338 чал. (-2098).
Такім чынам, за тры гады толькі паводле афіцыйных звестак Белстата Беларусь страціла каля 200 тыс. чалавек насельніцтва.
