In English:
Soldiers of the 120th Brigade went to train at the airbase where MiG-31K are based
На русском языке:
Военные 120-й бригады поехали учиться на аэродром базирования МиГ-31К
На днях мы паведамлялі, што вайскоўцы аднаго з падраздзяленняў 120-й асобнай гвардзейскай механізаванай брыгады ВС РБ адправіліся для праходжання курса баявой падрыхтоўкі з інструктарамі ў адным з цэнтраў падрыхтоўкі Расіі.
У сваім паведамленні МА не пісала, куды канкрэтна адправіліся вайскоўцы і дзе менавіта яны будуць праходзіць навучанне.
Аднак, як высветліў «Беларускі Гаюн», вайскоўцаў адвезлі на авіябазу «Саваслейка» (Ніжагародская вобл, РФ), дзе знаходзіцца філіял 4-га Дзяржаўнага цэнтра падрыхтоўкі авіяцыйнага персаналу і вайсковых выпрабаванняў МА РФ.
Маршрут да месца прызначэння праходзіў наступным чынам:
⚫️ У 9:55 31 жніўня вайскоўцы вылецелі з аэрадрома «Мачулішчы» на Іл-76МД ВПС РБ (EW-005DE), які зусім нядаўна атрымаў імя «Брэсцкая крэпасць герой».
⚫️ Пазней самалёт прызямліўся на аэрадроме «Кубінка» (Маскоўская вобл, РФ).
⚫️ І адтуль борт адправіўся на авіябазу «Саваслейка».
Пасля чаго ў 20:15 Іл-76МД ВПС РБ (EW-005DE) вярнуўся ў Беларусь і прызямліўся на аэрадроме «Баранавічы».
Цікава і тое, што менавіта ў Саваслейцы грунтуюцца МіГ-31К ПКС РФ, якія ляцелі туды з Мачулішчаў у 2022 і 2023 гадах.
