На русском языке:
Вьетнам выдал «калиновца» в Беларусь. Ранее Литва признала его «угрозой национальной безопасности» и запретила въезд в ЕС
Каля тыдня таму ў В’етнаме быў затрыманы экс-баец палка Каліноўскага Васіль Верамейчык. Сёння прапаганда рэжыму Лукашэнкі апублікавала відэа з затрыманым беларусам, якога ўжо даставілі ў Менск.
Яраслаў Бекіш піша, што Васіль Верамейчык быў затрыманы 13 лістапада. Яго экстрадавалі ў Беларусь ужо на наступны дзень, 14 лістапада. Таксама ён паведамляе, што аперацыю па ягоным затрыманні арганізаваў КДБ Беларусі, выкарыстаўшы ў якасці фармальнай прычыны затрымання бойку.
Вядома, што мужчына быў адным з беларускіх добраахвотнікаў, якія ваююць на баку Украіны. Васіль быў намеснікам камандзіра батальёна «Волат» палка Каліноўскага, узнагароджаны медалём «Україна понад усе» і ўдзельнічаў у баях у Херсонскай, Мікалаеўскай і Луганскай абласцях.
Василий Веремейчик задержан в Беларуси / Кадры: госпропаганда
Пасля завяршэння ўдзелу ў баявых дзеяннях, Васіль спрабаваў знайсці прытулак у краінах Еўрасаюза, аднак Літва прызнала яго пагрозай нацыянальнай бяспецы і забараніла ўезд у ЕС. Таксама па словах Яраслава Бекіша яму быў забаронены ўезд ва Украіну — гэтаму паспрыяў ГУР (Галоўнае ўпраўленне разведкі) пасля канфлікту Верамейчыка з кіраўніцтвам Палка Каліноўскага.
Пасля гэтага мужчына нейкі час вымушаны быў жыць у Грузіі, а пасля адправіўся ў Азію, дзе і быў затрыманы. В’етнам выдаў яго рэжыму Лукашэнку.
Па словах таварышаў па службе Верамейчыка, украінскае пасольства ў В’етнаме было ў курсе сітуацыі. Сябры экс-каліноўца баяліся, што яго могуць дэпартаваць у Беларусь, што ў выніку і адбылося.
Таксама затрыманы Максім Ралько
У прапагандысцкім кіно паказалі і Максіма Ралько, якога прадставілі як былога «каліноўца«. Зараз ён, відавочна, сядзіць у беларускай турме. Раней Максім Ралько быў вядомы актывістам апазіцыі. Ён сам расказваў у СМІ, што вясной 2022 года прыйшоў у батальён Каліноўскага.
Невядома, як і калі Максім Ралько патрапіў у Беларусь.
