In English:
Ammunition is produced near Minsk by Precision Electromechanics Plant?
На русском языке:
Производство боеприпасов находится под Минском, а делает их ЗТЭМ?
Вертолёт лукашенко Сёння Лукашэнка наведваў адно з прадпрыемстваў ВПК РБ у Мінскай вобласці, дзе яму паказалі вытворчасць беларускіх боепрыпасаў. Характэрна, што ягоная прэс-служба не паведамляла, дзе менавіта знаходзіцца вытворчасць, і нават не пісала, як яно называецца.
Тым не менш удалося вызначыць, што сёння Лукашэнка наведваў адну з вытворчасцей ТАА «Завод дакладнай электрамеханікі», якая размешчана каля в. Леніна (Дзяржынскі раён, Мінскай вобласці).
Яго верталёт прызямліўся ў раёне 10:05 на паркоўцы каля Цэнтра экалагічнага турызму «Станькава», які знаходзіцца ў 2 км ад вытворчасці ЗДЭМ.
На саму тэрыторыю прадпрыемства ён, відаць, дабіраўся на аўто. Там ужо наведваў ангары, дзе яму прадэманстравалі ўзоры снарадаў, і выступаў на фоне вайсковай тэхнікі.
