На русском языке:
Производства «Гродно Азота» остановились из-за сбоя электричества в Гродно
Шэраг вытворчасцяў на «Гродна Азот» спынены з-за масавага адключэння электраэнергіі ў Гродне. Як паведамляюць на прадпрыемстве, адбылося спыненне вытворчасці капралактаму, карбаміду, метанолу і АКіКАС. Цяпер прымаюцца меры па стабілізацыі сітуацыі і аднаўленні працы вытворчасці.
«У сувязі са знешняй пасадкай напружання адбылося спыненне вытворчасці капралактаму, карбаміду, метанолу і Акікас ААТ «Гродна Азот». Персанал прадпрыемства прымае меры па стабілізацыі сітуацыі і аднаўленні працы вытворчасці», — паведамілі ў Гродна Азот.
Акрамя таго, на прадпрыемстве паведамілі, што з мэтай утылізацыі гаручых рэчываў прадугледжанае спальванне тэхналагічнага газу на факельнай устаноўцы і гэта можа працягвацца да некалькіх сутак. Пры запуску аддзяленняў вытворчасці азотнай кіслаты кароткачасова можа быць бачны «лісі хвост» — газ характэрнага жоўтага колеру, які ўяўляе сабой злучэнне кіслароду і азоту (дыяксід азоту NO2).
