На русском языке:
WSJ заявляют, что ТЯО базируется в Лиде. Это просто кликбейт без каких-либо доказательств
Амерыканскае выданне The Wall Street Journal апублікавала нататку, дзе выказала меркаванне, што ТЯЗ ў Беларусі можа быць размешчана на аэрадроме «Ліда». Пры гэтым шэраг СМІ няправільна інтэрпрэтуе інфармацыю выдання, робячы выснову на падставе прыведзенага загалоўка: «Пуцін адпраўляе ядзерную зброю ў Беларусь».
На справе ж у дадзеным артыкуле няма ніякіх доказаў прысутнасці ТЯЗ на тэрыторыі Беларусі.
У матэрыяле выданне спасылаецца на снежаньскія словы Лукашэнкі, нібыта Расія завяршыла размяшчэнне тактычнай ядзернай зброі ў Беларусі. Пры гэтым ужо ў наступным абзацы падкрэсліваюць, што гэта можа быць блеф.
Таксама ў артыкуле прысутнічае спасылка на ліпеньскі матэрыял CNN, дзе сцвярджаецца, што амерыканская разведка (DIA) заявіла, што «няма прычын сумнявацца ў заявах Пуціна аб адпраўцы ТЯЗ ў Беларусь», аднак гэта былі толькі словы «неназванага супрацоўніка» ў вузкім коле асоб, што не можа быць афіцыйнай пазіцыяй ведамства, як гэта падаюць аўтары.
Далей прысутнічае спасылка на красавіцкі артыкул Федэрацыі амерыканскіх навукоўцаў (FAS), у якім апошнія мяркуюць, што на лідскім аэрадроме можа быць размешчана ТЯЗ. За падставу аўтары прыводзяць факт размяшчэння там Су-25, якія могуць несці ТЯЗ, і дадзены штурмавік, цытата: «зʼяўляецца найбольш верагодным кандыдатам для новай місіі Беларусі па »абмене ядзернай зброі« з Расіяй».
І, уласна, усё. Доказаў знаходжання ТЯЗ ў Беларусі ў артыкуле не прыводзіцца.
