На русском языке:
С 1:30 ночи в Беларуси блокируют доступ к YouTube, Twitch, TikTok, Telegram и Discord
Паступае інфармацыя, што з 1.30 ночы ў Беларусі перастаў працаваць YouTube.
Праблемы з YouTube у Беларусі на А1, МТС, Life і ByFly. У некаторых не падгружае прэв’ю і аватары, у іншых сайт не працуе ўвогуле. Таксама пішуць, што праблемы і з доступам да Twitch, TikTok і Discord. Telegram таксама перастаў працаваць без VPN.
Акрамя таго паведамляецца, што няма доступу і да шэрагу іншых сайтаў. Напрыклад, не працуе плэер на hdrezkа. Таксама ўзніклі праблемы і з сэрвісамі Google.
Адзначым, што праз VPN усё працуе.
Графік збояў YouTube у Беларусі / Фота: downdetector.su/youtube
UPD. «Белтэлекам» сёння заяўляў пра «планавыя працы», маўляў, з 00:00 да 07:30 праводзіць работы на сетцы перадачы даных: «магчыма абмежаванне доступу да паслуг сеткі перадачы даных для абанентаў горада Мінска, Гомеля і Гомельскай вобласці». МТС таксама паведаміў пра «тэхнічныя працы».
Вось толькі дзясяткі сэрвісаў увогуле не працуюць па ўсёй краіне, а не толькі ў Мінску і Гомелі.
UPD 3:00 па менскім часе. Паведамляюць, што паступова сэрвісы пачынаюць працаваць.
Калі вы можаце расказаць, ці працуе проста цяпер у вас YouTube, то перадайце інфармацыю праз вашых знаёмых:
- Праз бот @motolko_bot
- Праз ананімную форму для сувязі – https://motolko.help/form/
- Або пішыце на пошту [email protected]
