In English:
Three MiG-31K of the Russian Aerospace Forces left Belarus
На русском языке:
Из Беларуси улетели три МиГ-31К ВКС РФ
Паводле звестак маніторынгавай групы «Беларускі Гаюн», з Беларусі ў РФ паляцелі тры МіГ-31К ПКС РФ. Гэта барты з рэгістрацыйнымі нумарамі RF-92215, RF-92445 і RF-95194.
У Беларусі яны знаходзіліся з 13 снежня 2022 г. На той момант гэта была ўжо другая змена ў Беларусі для дадзенага тыпу самалётаў. Раней тры МіГа прыляталі 16 кастрычніка 2022 і прабылі ў Беларусі 46 дзён.
Такім чынам, на гэты раз МіГ-31К ПКС РФ прабылі ў Беларусі 113 дзён і за гэты час здзейснілі 39 вылетаў:
- Снежань (з 13 снежня) – 8;
- Студзень – 11;
- Люты – 9;
- Сакавік – 10;
- Красавік – 1.
Нагадаем, што 25 снежня, на аэрадроме ў Мачулішчах, адбылося ўзгаранне рухавіка аднаго з МіГ-31К – RF-95194 (нумар борта – 50 «сіні»), які сёння таксама пакінуў тэрыторыю Беларусі.
Акрамя таго, у РФ з Беларусі сёння паляцелі і два знішчальнікі, якія дыслакаваліся на аэрадроме ў Баранавічах.
