На русском языке:
С июля 2024 в ЕС можно будет попасть только с биометрическим паспортом? Нет, это дезинформация
Учора на сайце Асацыяцыі Тураператараў РФ быў апублікаваны артыкул пад назвай «Паехаць у Еўропу без біяметрычнага пашпарта з другой паловы 2024 года больш не атрымаецца».
У матэрыяле расказваецца аб тым, што ў хуткім часе ў ЕС будзе ўкаранёна новая сістэма пагранічнага кантролю для ўезду/выезду з Еўрапейскага Саюза – Entry/Exit System (EES). Аднак у тэксце артыкула ёсць шэраг сцвярджэнняў, якія не адпавядаюць рэчаіснасці.
Асацыяцыя тураператараў заяўляе, што пасля ўкаранення EES замежнікам для ўезду ў ЕС «абавязкова будзе патрэбны біяметрычны пашпарт, інакш не прапусцяць», але гэта не так.
На афіцыйным сайце ЕС ёсць вельмі падрабязны матэрыял з адказамі на пытанні аб тым, як будзе працаваць сістэма EES пасля ўкаранення.
- Па-першае, EES – гэта ніякая не замена звыклых механізмаў праходжання мяжы. У рэальнасці гэта будзе ўяўляць з сябе, умоўна, вокны самаабслугоўвання, дзе замежнік па ім жаданню зможа адсканаваць свой пашпарт, каб паскорыць праходжанне мяжы. Сапраўды, каб скарыстацца гэтай сістэмай, вам патрэбен будзе толькі біяметрычны пашпарт.
Але! На сайце ЕС наогул нічога не сказана, што вы абавязаны будзеце нешта сканаваць – гэта не патрабаванне, а магчымасць.
- Па-другое, нават калі вы захацелі адсканаваць свой біяметрычны пашпарт праз EES, то вы ўсё роўна пойдзеце да супрацоўніка на пашпартны кантроль. Укараненне сістэмы EES не адмяняе размоваў з памежнікамі і асабістай праверкі пашпарта чалавекам, а не машынай.
Больш за тое, на афіцыйным сайце Еўразвяза нічога не сказана пра тое, што вы не зможаце патрапіць у ЕС, калі ў вас не біяметрычны пашпарт. І так, гэтая сістэма ўвогуле яшчэ не ўкаранёна, а яе запуск ужо пераносіўся некалькі разоў мінімум з 2022 года.
