Меркаванне. «Народны дэпутат» пра Дзень ведаў, у які пачалася Другая сусветная вайна

Wikimedia, common files
4 хв.

На русском языке: Мнение. «Народны дэпутат» про День знаний, в который началась Вторая мировая война

Тэлеграм-канал «Народны дэпутат» апублікаваў нататку да Дня ведаў. Публікуем гэты пост без зменаў.

«З нататак да дня ведаў.

Амаль адразу пасля смерці Леніна ў 1924 годзе аказалася, што другі чалавек у партыі, таварыш Троцкі – здраднік.

Сталін, Бухарын, Зіноўеў, Каменеў зрынулі Троцкага і выгналі яго з СССР (1927).

Аднак праз пару гадоў аказалася, што Каменеў, Зіноўеў і Бухарын таксама ворагі і шкоднікі. Далей доблесны таварыш Генрых Ягада арыштаваў іх у 1936 году.

Крыху пазней Ягаду як варожага агента ў 1937 г. арыштаваў Яжоў. Але праз пару гадоў аказалася, што і Яжоў – не таварыш, а варожы агент і звычайны здраднік. І ў 1938 годзе Яжова арыштаваў Берыя. Пасля смерці Сталіна ў 1953 г. усе зразумелі, што Берыя таксама здраднік і ў гэтым жа годзе Жукаў арыштаваў Берыю.

Крыху пазней Хрушчоў даведаўся, што Жукаў – змоўшчык і вораг, і саслаў яго на Урал.

А яшчэ крыху пазней аказалася, у 1956 годзе, што і Сталін быў ворагам, шкоднікам і здраднікам. А разам з ім і большая частка Палітбюро. Тады Сталіна вынеслі з маўзалея, а Палітбюро і Шэпілава, які далучыўся да іх, разагналі ў 1957 годзе сумленныя партыйцы на чале з Хрушчовым.

Прайшло некалькі гадоў і аказалася, што і Хрушчоў быў прайдзісветам і авантурыстам, таму Брэжнеў адправіў яго ў 1964 годзе на пенсію.

Пасля смерці Брэжнеў аказалася, што і Брэжнеў быў шкоднікам і галоўнай прычынай застою ў грамадстве і эканоміцы 1964-1982 гг.

Потым было яшчэ двое, якіх ніхто не запомніў (1982-1985).

Але тут прыйшоў да ўлады энергічны Гарбачоў і аказалася, што ўся партыя і яе ідэалогія былі шкодніцкімі. Гарбачоў павінен быў усё выправіць. А тут СССР распаўся ў 1991 годзе і Гарбачоў таксама аказаўся здраднікам і ворагам.

Вы азнаёміліся з кароткім курсам гісторыі Камуністычнай партыі, якая кіравала Савецкім саюзам.

А яшчэ 1 верасня 1939 г. пачалася Другая сусветная вайна, Брэсцкая крэпасць, якую абаранялі не толькі палякі, але і беларусы, пачала трымаць абарону ад фашысцкіх захопнікаў.

З днём ведаў, няхай праўда будзе нашай галоўнай зброяй са злом і несправядлівасцю.

Ваш народны дэпутат».

Папярэдні матэрыял
Меркаванне. «Нашы грошы»: У паловы беларусаў няма зберажэнняў
Наступны матэрыял
Меркаванне: «Адукацыя - гэта не вайна. Ёй не патрэбныя «байцы студатрадаў» і «байцы БРСМ»

Iншыя матэрыялы