На русском языке:
Атмосфера в госструктурах: апатия, увольнения и одним словом – «ж*па»
Учора тэлеграм-канал motolko.help папрасіў чытачоў расказаць пра тое, якая атмасфера зараз пануе ў дзяржаўных установах і міністэрствах. У @motolko_bot прыйшлі дзесяткі паведамленняў пра кумаўство, масавыя звальненні, праверкі і многае іншае.
Гісторыю супрацоўніка міністэрства пра тое, як на людзей зараз глядзяць там «як на бруд» вы ўжо можаце прачытаць тут, а цяпер мы выбралі яшчэ некалькі паказальных гісторый і расказваем вам.
Установа сферы культуры
«Абстаноўка як на могілках. Апатыя, стан блізкі да італьянскага страйку, класічнае «сядзець пад ліштвой». Хварэюць кавідам больш, чым у мінулыя хвалі, на бальнічным цэлымі аддзеламі. Разумення, што там праз год-два-тры – няма ад слова зусім. Проста пустата наперадзе. Самі пра палітыку не асабліва гаворым, але калі закрануць, то шмат нязгодных. Ва ўсіх на тварах ўсмешка крыху весялей, чым на пахаванні».
Супрацоўнік дзяржструктуры
«На днях мяне звольнілі праз тое, што я падпісаўся за Бабарыку. Калегі квітнеюць і шчаслівыя, таму што маю стаўку падзеляць і яны будуць працаваць на 1,5 стаўкі. Такіх вызваленых ставак пасля падпісантаў за Бабарыку ўсё больш. Застаюцца сракалізы і рэальна шчаслівыя, столькі вакансій паміж імі падзелена на падпрацоўкі. Вы думалі ў дзяржструктурах роспач? Няма. Тыя, што засталіся ў маёй арганізацыі, лічаць сябе лепшымі, атрымліваюць на 1,5 стаўкі ЗП і шчаслівыя. Спадзяюцца, што такія ЗП будуць заўсёды».
МНС
«Працы шмат, ды і рознай лухты хапае, накшталт пажарна-прафілактычнай работы (хаджэнне па жыллі з мэтай прафілактыкі пажараў, падчас пандэміі!). Настрой ва ўсіх на чамаданах, сыходзяць нават тыя, каго раней трымала службовае жыллё, выплаты «пад’ёмных» і за вучобу».
Сфера дзяржаўнай статыстыкі
«Сярод калег такая ж атмасфера, як год таму, так і цяпер. Большасць проста баяцца. Забараняюць падпісвацца на «экстрэмісцкія» тг-каналы. Людзі ў прынцыпе не ведаюць, што адбываецца ў краіне. Ёсць тыя, хто супраць – практычна ўся моладзь, ёсць тыя, хто за яго, ёсць і тыя, хто за саюз з Расіяй».
Падатковая
«Абстаноўка адным словам – «ж*па», лепш не стала, усё горш і горш. Ды і да выбараў бздура поўная была, але цяпер – поўны змрок: грошы, грошы, давайце грошы, схемы, штрафы, зарплаты ў канвертах, калі штраф, то набліжаны да максімальнага «відэльца» плюс бюракратыя. Звальняюцца ўсе дасведчаныя і лепшыя. За апошнія паўгода каля 4 чалавек. Калі кантракт, то не звальняюць, работнікі вымушаныя рабіць прапіску ў іншым раёне, каб скасаваць кантракт. Калі і бяруць, то па прынцыпе кумаўства ці лаяльнасці (зялёную моладзь). Збіраюцца звольніцца яшчэ некалькі чалавек, большасць з тых, хто звальняецца – кіруючыя работнікі. Увогуле [кепска] справа».
