Прафесійны саюз беларусаў Вялікабрытаніі (PUBB) паведамляе, што амерыканская карпарацыя Cummins, адзін з асноўных пастаўшчыкоў рухавікоў для БелАЗа, пацвердзіла, што цалкам спыніла супрацоўніцтва з БелАЗам.
«Мы не адпраўляем ніякай прадукцыі БелАЗу або яго дылерам», — напісала карпарацыя ў лісце.
БелАЗ быў уключаны ў чацвёрты пакет санкцый ЕС у чэрвені гэтага года. Акрамя яго, у санкцыйным спісе апынуліся 78 фізічных асоб і 7 прадпрыемстваў, у тым ліку «Мінскі аўтамабільны завод» (МАЗ).
Санкцыі ўжо паспелі паўплываць на кампанію БелАЗ. У ліпені супрацоўніцтва з ім спынілі Becker Group, Liebherr, Danfoss і Yokohama.
Фота: wikipedia.org
