In English:
Situation report on military activity on the territory of Belarus for March 16 by Hajun
На русском языке:
Оперативная сводка от Гаюна за 16 марта о военной активности на территории Беларуси
Тэлеграм-канал «Беларускi Гаюн» апублікаваў зводку аб ваеннай актыўнасці на тэрыторыі Беларусі на 07:00 17 сакавіка.
Працягваецца перамяшчэнне калон ваеннай тэхнікі УС РФ з апазнавальным знакам «V» па тэрыторыі Беларусі (тут, тут і тут). Таксама здзяйсняецца перакідка ваеннай тэхнікі па чыгунцы. Так, быў заўважаны чыгуначны састаў (накіроўваўся ў бок горада Рэчыца, Гомельская вобласць), які перавозіў не менш за 18 адзінак тэхнікі (аўтамабілі «Урал» і МТ-ЛБ)
Асобна варта звярнуць увагу на грузавікі КамАЗ, а таксама санітарны аўтамабіль УС РФ, якія былі заўважаныя ў горадзе Орша (Віцебская вобласць). Раней тэхніку ВС РФ заўважалі пераважна ў паўднёваўсходніх, а таксама цэнтральных раёнах Беларусі.
Найбольшая лётная актыўнасць была зафіксавана на ваенных аэрадромах у Баранавічах (13 самалётаў; вылеты пераважна вечарам: тут, тут і тут) і Лідзе (20 самалётаў; вылеты на працягу дня — тут і тут). Таксама была заўважана нязначная актыўнасць на аэрадромах у Лунінцы, Бабруйску і в. Вялікі Бокаў (Мазырскі раён).
Працягваецца нанясенне УС РФ удараў па тэрыторыі Украіны аператыўна-тактычнымі ракетнымі комплексамі. Так, былі зафіксаваныя 8 пускаў ракет з тэрыторыі Мазырскага раёна, і 4 – з Калінкавіцкага. Адзначым, што пускі ракет, выкананыя з тэрыторыі Калінкавіцкага раёна, былі адлюстраваныя на фота (тут і тут). Таксама была атрымана інфармацыя аб магчымым месцазнаходжанні агнявой пазіцыі ў Калінкавіцкім раёне, з якой быў ажыццёўлены пуск ракет у бок Украіны.
Паступае новая інфармацыя аб выкарыстанні аб’ектаў грамадзянскай інфраструктуры Беларусі для патрэб УС РФ. Так, у інтэрнаце прафесійнага ліцэя ў горадзе Мазыр (Гомельская вобласць), размешчаным па адрасе: вуліца Катоўскага, 48, размешчаныя расійскія вайскоўцы.
Працягваюцца перасоўванні асобных падраздзяленняў УС РБ. Так, было зафіксавана некалькі аўтамабільных калон (тут, тут і тут). Таксама раніцай на ўездзе ў горад Жлобін (Гомельская вобласць) быў заўважаны чыгуначны састаў, які перавозіў тэхніку УС РБ. На платформах можна заўважыць танкі Т-72, БМП, а таксама САУ 2С1.
Асобна трэба звярнуць увагу на сітуацыю ў горадзе Брэст. Так, раніцай 16 сакавіка стала паступаць інфармацыя, што на палігоне «Брэсцкі» чуваць стрэлы і залпы. Як пазней стала вядома, на палігоне праводзіліся планавыя заняткі баявой падрыхтоўкі падраздзяленняў УС РБ.
Лакацыі, адкуль паступалі паведамленні аб магчымых выбухах 16 сакавіка / motolko.help
Таксама ўвечары 16 сакавіка (пасля 23:00) пачалі паступаць паведамленні аб выбухах. Іх чулі жыхары гарадоў Баранавічы, Столін, Пінск, Ганцавічы, Слуцк, Нясвіж і Клецк. Праўладныя тэлеграм-каналы растлумачылі, што выбухі былі чутныя з-за вучэнняў, якія праходзяць на палігоне «Брэсцкі». Аднак адлегласць ад палігона да найбліжэйшага горада, дзе чулі выбухі (Пінска) складае 165 км. Гук артылерыйскай стральбы не распаўсюджваецца на такую адлегласць.
Мы працягваем сачыць за сітуацыяй.
